Premierë: Me stil unik dhe zë të veçantë – Diona Fona lanson klipin e ri (Video)

Ylli në ngritje i skenës muzikore shqiptare, Diona Fona, ka publikuar videoklipin e ri të saj.

Bukuroshja 18 vjeçare e cila jeton në Londër vjen me krijimin e ri muzikor teksa është një nga emrat më të talentuar në ngritje, një yll i të ardhmes në skenën muzikore shqiptare.

Videoklipi titullohet “Havera” dhe është krijim i ri i Dionës dedikuar për tregun muzikor shqiptar lansuar si premierë në kanalin e saj zyrtar në AVD Digital dhe portalin Telegrafi.com.

Projekti është punuar në muzikë nga top producenti, Big Bang Beats, në shtëpinë e hiteve, RedBox.

Talenti i Dionës për muzikën është i shumëanshëm dhe kjo shihet edhe në këtë projekt ku ajo e ka realizuar tekstin bashkë me hip hop superyllin, Gjiko.

Videoklipi ku Diona shfaqet me plot stil është punuar nga regjisori, Valon Aziri, kurse për flokët e grimin janë përkujdesur Sellma dhe Kaci, ndërsa për ‘stylingun’, Donjeta Macula.

Ky projekt i Dionës i paraprinë sezonit veror dhe projekteve të saj për të ardhmen ku priten bashkëpunime me emrat më të njohur të skenës muzikore shqiptare të cilët vlerësojnë lartë këngëtaren e re tejet të kompletuar në secili aspekt. /Telegrafi/