Presidenti i Komisionit Europian nuk mban dot nervat në Parlament (Video)

Presidenti i Komisionit Europian, Jean Claude Juncker, nuk i mbajti dot nervat gjatë fjalimit të tij në Parlamentin Europian për planin e Brukselit në lidhje me të ardhmen e Bashkimit Evropian.

Shefi i BE u nervozua kur deputetët europian e sulmuan idenë e tij se duhet të konsultohen qytetarët e Unionit për atë se në çfarë rruge duhet të shkohet në mënyrë që të ruhet bashkimi i 27 shteteve europiane nga shpërbërja, raportojnë mediat britanike.

Në një moment Juncker shau duke thënë “M.., çfarë doni të bëjmë?”.

Shpërthimi i Junckerit ndodhi pas 75 minutave të paraqitjes së planit të Komisionit Europian në pesë pika, gjatë të cilës deputetët disa herë kërkonin që të shpreh qëndrimin e vet në lidhje me dokumentin.

Kahjet të cilat Brukseli i paraqiti në plan sillen nga kthimi në bllokun tregtarë të shteteve deri te federalizmi i Unionit dhe shndërrimit të tij në “Shtete të Bashkuara Evropiane”.

Juncker hedh poshtë variantin e parë duke thënë se BE është shumë më tepër se një federatë tregtare. Refuzoi që të paraqesë qëndrimin e tij për katër të tjerë dhe shtoi se nuk dëshiron të paragjykojë rezultatin e debatit publik.

Theksoi që nuk dëshiron që për të ardhmen e Unionit të diskutohet nëpër gjithë kontinentin në nivelin nacional.

“Komisioni Europian do të dëgjoj me kujdes para se të shpallë përgjigjen”, ka thënë Juncker. /bw/