Durant shkëlqen, Warriors mposhtin edhe Houstonin

Kevin Durant ka vazhduar shkëlqimin me skuadrën e Golden State Warriors.

Kësaj radhe viktima e radhës e nën kampionëve të NBA ishte skuadra e papërshtatshme Houston Rockets.

Gjatë gjithë ndeshjes, Warriors ishin më të mirë duke mposhtur në fund kundërshtarët me rezultat 125:108.

Kevin Durant ishte më i miri në parket me 32 pikë të shënuara, shtatë asistime, katër kërcime dhe dy bllokada.

Me lojë të mirë u dalluan edhe dyshja, Stephan Curry dhe Klay Thompson, ku i pari bëri 24 pikë dhe shtatë asistime, ndërsa i dyti shtoi 16 pikë.

Qendra Clint Capela ishte më efikasi tek Houston me ‘double double’, prej 22 pikëve dhe 12 kërcimeve, ndërsa James Harden shtoi 17 pikë e 11 asistime por të pa mjaftueshme që të mposhtin nën kampionët.

Ndërkohë Los Angeles Lakers iu është kthyer fitoreve pasi ka mposhtur Indiana Pacers me 12 pikë epërsi, 108:96.

Fundori Louis Williams ishte më efikasi në ndeshje me 27 pikë të shënuara, mirëpo u ndihmua shumë edhe nga Julius Randle që shënoi 16 pikë dhe pati pesë kërcime e katër asistime.

Me lojë të mirë u dalluan edhe Brandon Ingram dhe Nick Young që realizuan nga 15 pikë.

Tek Indiana me lojë të mirë si gjithnjë u dallua Paul George me 21 pikë të shënuara por që nuk mjaftuan ta mposhtin Lakers. /Telegrafi/

Rezultatet:

GS Warriors – Rockets 125:108
LA Lakers – Pacers 108:96
Chicago Bulls – Atlanta Hawks 93:102
Sacramento – Memphis 91:107
Utah Jazz – Dallas 112:107
Orlando – Bucks 112:96
Toronto – Hornets 78:113
Portland – 76ers 92:93
Nets – Pelicians 143:114