Njihuni me fisin Mundari që i mbrojnë lopët me jetën e tyre (Foto)

Ekziston një fis, i quajtur Mundar, i ndodhur në Sudanin jugor i cili flijon dhe jetën për bagëtinë e vet. Është gjëja më e çmuar që ata e kanë.

Një burrë mundar i ruan lopët e tij të çmuara me një pushkë. Fotografi Tariq Zaidi e vizitoi fisin Mundari në Sudanin jugor dy herë gjatë vitit 2016 për të filmuar jetën e tyre, transmeton lajmi.net

Sudani jugor është shteti më i ri në botë dhe ka pasur ndryshime të mëdha nga viti 2011, kur u pavarësua. Premtimi për të mbajtur paqe i ka hapur rrugë luftës civile, dhe përçarjet fisnore vazhdojnë të jenë të thella, duke përshkuar edhe çështjet politike.

Sipas OKB-së, mbi dy milion njerëz janë zhvendosur nga vendi dhe dhjetëra mijëra janë vrarë.

Në mesin e gjithë kësaj rrëmuje, ndodhet Mundari, fisi i cili kujdeset shumë për bagëtinë e vet.

Është e vështirë të gjendet një tjetër fis që jeton afër brigjeve të Nilit, në veri të kryeqytetit Kuba, e që i ka kaq të përkushtuar barinjtë, transmeton lajmi.net

Ankole Vatus quhen raca me brirë të mëdhenj, dhe njihen si “mbretërit e bagëtive”, lopët për të cilët kujdeset ky fis.

Këto lopë rriten në gjatësinë deri mbi dy metra e gjysmë dhe kushtojnë secila rreth 500 dollarë. Mundarët e kanë bagëtinë gjënë e tyre më të çmuar.

“Mundarët janë të gjatë dhe muskuloz, por dietën e tyre e kanë me qumësht dhe jogurt. Kjo është e gjitha”, thotë për CNN, fotografi Zaidi. “Ata flenë dy hapa larg kafshëve të tyre të preferuara dhe i ruajnë ato me pushkë”, shton ai.

Lufta në Sudanin jugor i ka mbajtur larg mundarët nga pjesa tjetër e botës, rrëfen Zaidi. “Ata nuk hyjnë në qytet, duke e bërë kështu mënyrën e jetesës, unike”.

“Armët e tyre nuk i përdorin për të vrarë dikë por për të mbrojtur tufën e tyre. Gjithçka që ata duan është të kujdesen për bagëtinë. Dhe do t’i mbrojnë me çdo kusht”, shprehet Zaidi.