Në emisionin Ballë Për Ballë të Klan Kosova, për të diskutuar rreth projektligjit për Trepçën, i ftuar ishte drejtori i Trepçës, Ahmet Tmava.
Ai vlerësoi që ky projektligj ka ardhur me vonesë dhe si një nga problemet kryesore sa i përket Trepçës cilëson mos definimin e statusit të saj, megjithatë është shprehur optimist për hyrjen në fuqi të ligjit për Trepçën.
“Problemet e Trepçës kanë një emërues të përbashkët dhe ai është mosdefinimi i statusit të Trepçës. Ne kemi zhvilluar takime të shumta, tryeza shkencore me universitete të shumta, shoqërinë civile dhe kemi ardhur deri tek një konsensus, dhe kemi dalë me një rekomandim për qeverinë për atë se si e shohim ne statusin e Trepçës”.
“Pas takimeve në nivelin qeveritar dhe atë parlamentar, është formuar një komision nga kryeministria i cili ka dorëzuar një draft-ligj, që pritet të aprovohet në parlament. Trepça kalon nga AKP-ja në menaxhim të qeverisë pastaj hyjmë në politikat zhvillimore të saj” ka thënë Tmava.
Sa i përket perspektivës që ofron Trepça, Tmava ka vlerësuar që është e nevojshme të zhvillohet metalurgjia dhe njësitë përpunuese, përderisa cilëson Trepçën fuqi reale në Ballkan, duke marrë parasysh resurset vlerat e të cilit janë konkrete dhe të kapshme, njofton Klan Kosova.
“Trepça është nocion kompleks, kjo ngaqë kemi resurset, kemi fabrikat përpunuese, dhe interesi real për vendin shihet nëse rrisim shkallën e finalizimit të resursit. Ne aktualisht prodhojmë vetëm koncentrat, që ishte edhe burim i mbijetesës për periudhën e pasluftës, mirëpo në stazat perspektive dhe zhvillimore për vendin nuk duhet të ndalemi vetëm tek koncentrati, mirëpo të mendojmë edhe për metalurgji dhe për njësitë përpunuese”.
“Ky projektligj hap rrugë për këtë. Të gjitha ato njësi që ka mundësi me forca vetanake të ecet më tutje ato vazhdojnë, ndërsa ku nuk ka mundësi hapet rrugë për partneritet publiko-privat. Jam i bindur që draft-ligji që kemi dorëzuar është më i miri i mundshëm, duke pasur parasysh rrethanat. Mendoj që kemi nxjerrë maksimumin” ka deklaruar Tmava.
“Duhet të shfrytëzohet të gjitha asetet, edhe në Serbi, Çeki, Bosnje dhe Mal të Zi, dhe qeveria duhet të marrë obligim që krejt këto asete të shfrytëzohen. Duke rritur shkallën e finalizimit, reflektimi i interesit për vendin do të jetë i shumëfishtë , duke rritur masën e eksportit dhe duke krijuar vende të reja të punës”.
Me projektligjin e ri priten edhe vende të reja të punës, ndërsa tashmë veçse është hapur konkursi për 100 persona. Me tutje Tmava tregon edhe kush do të këtë përparësi në punësim.
“Aktualisht janë 1450 punëtorë në pjesën jugore, 1050 në pjesën veriore. Është shpallur konkursi për 100 persona dhe këta persona në mënyrë decidive janë të dedikuar për punë në miniera. Prej aprovimit të ligjit do të jetë një ristrukturim dhe riorganizim total duke përfshirë edhe shpërblimin e punëtorëve. Shumë shpejt do të hapen edhe konkurse të tjera, dhe do te punësohen më meritorët. Përparësi do të kenë fëmijët e punëtorëve që kanë humbur jetën gjersa kanë qenë në marrëdhënie pune, familjet që janë në gjendje të rënde sociale”.
Për fund drejtori i Trepçës është shprehur i bindur që Ligji për Trepçën do të hyj në fuqi, njofton Klan Kosova.
“Ligji do të kaloj. Më 2 nëntor Ligji për Trepçën do të hyjë në fuqi. Nuk është e nevojshme por është e domosdoshme”, përfundoi Ahmet Tmava.
Lufta Prigozhin - Putin
Më shumëNga Rubrika
1 Maji, Kurti thërret për solidaritet dhe organizim sindikal
Dita e punëtorëve, Tahiri: Sot nuk ka vend për festë – Qeveria mund të festoj dështimet
UBT ndan çmimin më të lartë institucional për Rektorin e Trakya Üniversitesi, Prof. Dr. Erhan Tabakoğlu dhe bën hapjen e Teknoparkut Ndërkombëtar
N’BAU krejt i gjen me zbritje këtë javë!
Respekti dhe vlerësimi i punëtorëve refletojnë në suksesin e Emona Center
Fito udhëtim në çift me IP Petrol!
Relaksim në përjetësi, me “Holiday In 2” t’gjitha i ki
Vazhdon rritja e çmimeve, tregtarët e hedhin fajin tek prodhuesit
Kosova arrin vlerësimin e parë kreditor sovran, Rukiqi i LDK-së: Duhet të shqetësohemi për kategorinë BB-
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit