Lëvizja Besa: Kriza ekonomike në Maqedoni po prodhon varfëri të skajshme
Lëvizja Besa në një komunikatë për Telegrafi Maqedoni ka reaguar në lidhje me krizën ekonomike në Maqedoni dhe vështirësitë që përballen qytetarët e Maqedonisë.
‘Në Maqedoni vitet e fundit po rritet përqindja e personave dhe familjeve që jetojnë në varfëri të skajshme, e cila nënkupton që një familje nuk ka mundësi që me kohë ta mbulojë njërin ndër elementet bazë për jetë, siç janë fatura e ujit, rrymës, shpenzimet e konsumit për ushqimet bazë, taksën komunale etj. Kështu nga viti 2010 për çdo vit kemi rënie të mirëqenies ekonomike dhe, ndërkohë, kemi rritje të varfërisë. Në këtë mënyrë këtë vit përqindja e varfërisë në Maqedoni është në 46% (më parë ka qenë 43.2%). Kjo rritje e përqindjes së varfërisë vjen si rezultat i papunësisë së lartë në Maqedoni. Siç e dimë, Maqedonia renditet e parafundit, pas Bosnjës, me 26% papunësi në rajon. E keqja është se niveli e varfërisë ndikon edhe në huamarrjet e shtetit, që nuk janë huamarrje për investime kapitale, por janë kredi për rrogat, kredi për mbulimin e kredive të vjetra ose kredi për projekte fiktive, ku mjetet “avullohen” brenda orës dhe pastaj qytetarët, me anë të instrumenteve fiskale shtetërore, detyrohen t’i paguajnë këto kredi dhe kjo detyrimisht ndikon në rritjen e varfërisë. Sigurisht që në këtë ka impakt edhe kriza politike në vend, që i bën të pamundshme investimet e huaja dhe të vendit, kjo nga frika se nuk ka siguri politike. Krejt këto elemente kanë ndikuar në rritjen e varfërisë së skajshme në vend.
Ndonëse kjo qeveri ka promovuar e reklamuar projekte sociale për zbutjen e papunësisë, ato kanë rezultuar të pasuksesshme, sepse nuk kemi asnjë lëvizje në drejtim të uljes së papunësisë ose rritjes së standardit të jetës. Madje, për fat të keq, ka ndodhur e kundërta: ka rritje të varfërisë, që nënkupton se projektet e tilla më tepër kanë qenë fiktive – vetëm për të tërhequr mjete nga buxheti dhe jo që të investohet në produktivitetin e punës. Megjithatë, edhe këto mjete “po avullohen”.
Nëse vazhdon ky trend i zhvillimit të ngjarjeve politike, ndalimi i investimeve të huaja, vazhdimi i marrjes së kredive jokapitale, por vetëm harxhuese, si dhe moszhvillimi i biznesit të vendit për shkaqe sigurisë politike, është e sigurt do të kemi rritje edhe më të madhe të përqindjes së varfërisë, e cila deri në fund të vitit mund të arrijë deri më 50% dhe kjo të sjellë edhe efekte të tjera anësore ekonomike dhe sociale.
Prandaj, për ta ndalur këtë trend, Lëvizja Besa – nëpërmjet presionit politik ndaj Qeverisë aktuale dhe përgatitjes së platformës së saj politike dhe ekonomike – pikën kyçe do ta ketë në ndalimin e rritjes së varfërisë në vend, duke zhvilluar politika proteksioniste për ekonominë e vendit, duke krijuar klimë për investimet e huaja dhe duke e motivuar biznesin e vendit. Ndërkaq huamarrjet e detyrueshme do të orientohen për investimet kapitale, të cilat do të ndikojnë në zhvillimin ekonomik dhe social të vendit’, thuhet në deklaratën e Lëvizjes. /Telegrafi/
Promo
Reklamo këtuLufta Prigozhin - Putin
Më shumëDW: Sinjale alarmi nga Ballkani - po përsëritet historia?
Piu kafenë e mëngjesit me ta dhe më pas u mori jetën, detaje nga vrasja e çiftit në Dropull
Deputeti gjerman, Abraham: Pranimi i Kosovës në Këshillin e Evropës është e vetmja rrugë përpara
Daçiq: Ndërkombëtarët po i bëjnë presion Kurtit për Asociacionin
Gjendet trupi i pajetë i 9-vjeçares, fati ende i paditur për nënën dhe dy fëmijët e tjerë që dyshohet se janë vetëmbytur në Shkodër
Fruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Laporta shumë nervoz pas humbjes me Gironan – ai bërtiti vetëm me pesë fjalë, humbja mund t'i kushtojë miliona euro Barcelonës
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Erjolën e hedhin në mes të natës në pishinë, i ekspozohen pjesët intime
Vinicius ironizon me Araujon: Publikon trofetë e fituar nga gjenerata e re e Real Madridit
Tjetër fitore për Ukrainën: Rusia tërheq nga vijat e frontit dhjetëra aeroplanë luftarak
Këto janë vendet ku TikTok tashmë është i ndaluar – dhe nuk janë pak