Xhaka thyen rekordin e transferimeve në Zvicër

Jo shumë zviceranë kanë luajtur në nivele të larta. Xherdan Shaqiri ishte në Bayern dhe Inter, derisa Stephan Lichtsteiner, që disa vite luan në Juventus.

Nuk është çudi që për ta nuk është paguar shumë të mëdha. Por, kjo pritet të ndryshojë me transferimin e Xhakës në Arsenal, shkruan “Blick”, përcjell albinfo.ch.

Sipas mediave angleze ai do të transferohet për 47 milionë franga nga Borussia në Arsenal. Nëse ndodh kjo do të ishte rekord për futbollin zviceran dhe ai do të hynte në histori.

Transferimi deri më tani ka qenë Gokhan Inler nga Udinese në Napoli për 24 milionë franga, kurse për Shaqirin u paguan 20 milionë, derisa në listën e më të paguarve është edhe Blerim Xhemaili në Napoli për 13 milionë.

Sidoqoftë, këmbimi valutor ka ndryshuar, por nëse Xhaka transferohet në Arsenal, padyshim se do të thyente rekordin absolut. Megjithatë, Xhaka nuk është i vetmi lojtar zviceran që po kërkohet në afatin kalimtar me shumë të mëdha.

Jewel Breel Embolo po kërkohet nga Liverpool, derisa klauzola e tij është rreth 30-35 milionë euro. Nëse ai largohet nga Baseli për këtë shumë, do të bëhej transferi i dytë më i shtrenjtë pas Xhakës.