Askush nuk ka asnjë shpjegim se si bebja i mbijetoi procesit të ndërprerjes së dhunshme të shtatzënisë.
Britanikja Vicky Harper atëbotë i kishte dy fëmijë: Ross (2) dhe Leila (5), edhe ishte në gjende të rëndë materiale, kështu që në atë moment nuk ishte e gatshme edhe për fëmijën e tretë, mirëpo në qershorin e vitit të kaluar kishte harruar një ditë të pinte pilulën kontraceptive dhe kështu kishte ngelur shtatzënë.
Ishte vendimi më i vështirë që kam marrë ndonjëherë. Fëmijët i dua më së shumti në botë, ata janë pasuria ime, mirëpo atëherë nuk kam pasur fuqi edhe për të tretin – ka treguar Vicky, e cila jeton në veri të Skocisë.
Atëherë Viki mori vendimin të shkonte në ndërprerje kirurgjike të shtatzënisë, që ishte dashur ta bënte me vakuum, transmeton Telegrafi.
Siç ka treguar ajo, që atë ditë kishte kuptuar që diçka nuk ishte në rregull. Prandaj në shtëpi bëri testin e shtatzënisë dhe i doli pozitiv. Doktori i kishte thënë që ishte e mundshme që ndonjë hormon i shtatzënisë akoma të kishte mbetur në trupin e saj, prandaj nuk duhej të brengosej.
– Menstruacione nuk kam pasur dy muaj dhe isha e sigurt që bebja akoma ishte në mua – thotë ajo.
Më rri para syve trupi i vdekur i bebes të cilën e kam ABORTUAR! Mirëpo, kjo është diçka SHUMË E MIRË që kam bërë në jetë.
Nëntë javë pas abortimit të pasuksesshëm ia kishin bërë ultrazërin, i cili qartë kishte treguar që ishte shtatzënë.
Abortimi i sërishëm nuk ishte i mundshëm sepse ishte në javën e 16-të të shtatzënisë, ndërkaq pas javës së 12-të abortimet bëhen ekskluzivisht në situata të jashtëzakonshme, nëse kërcënon rrezik i madh për nënën apo për frytin – pra, abortimi në raste të tilla është shumë i rrezikshëm për shëndetin e nënës.
Atëherë kishte vendosur që, megjithatë, të lindë beben. Në fillim të muajit mars, Vicky lindi një djalë tepër të bukur, Jack, i cili është plotësisht i shëndetshëm.
– Ai është fëmijë i veçantë. E dua shumë. Do t’ia tregoj të gjitha kur të rritet mjaftueshëm që ta kuptojë mirë përse kisha dëshiruar të veproja ashtu. Tani jam e lumtur që ka mbijetuar dhe e dua më shumë seç kam menduar ndonjëherë që do ta dua dikë – ka përfunduar britanikja tregimin e vet të pabesueshëm. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Pse e ecura është më e dobishme se vrapimi për personat që duan të humbasin peshë
Hani çfarë të doni, nuk do të shtoni peshë: Ekziston vetëm një kusht i thjeshtë!
Ilaçi natyral që kuron dhimbjet e nyjave dhe shpinën, pastron gjakun nga helmet!
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Në mesin e tyre edhe një britanik 'shumë i rrezikshëm' – zbulohen detaje rreth arratisjes së pesë të dënuarve nga burgu i sigurisë së lartë në Portugali
Vjen reagimi i Edon Zhegrovës pas përjashtimit nga kombëtarja e Kosovës
Ronaldo befasoi me zgjedhjen e tij kur përmendi lojtarin më të mirë që ka parë ndonjëherë
Ulje drastike e temperaturave - të martën pritet shi e rrufe
Osmani: Amerika nuk po kërkon ta mbajmë Urën e Ibrit mbyllur, por ta vendosim datën e hapjes bashkë
Balena, miu i ngordhur, macja dhe pëllumbi – historitë se si kafshët janë përdorur për të spiunuar