Ndjenja e inferioritetit luan rol të madh në formimin e karakterit të njeriut, e posaçërisht të fëmijëve. Shkaqet e shfaqjes së ndjenjës së inferioritetit te fëmijët janë të shumta.
Ajo mund ta ketë burimin e vet ndoshta edhe në disa të meta fizike të cilat nganjëherë bëhen shkak që fëmijët, të po: shteruar, të përbuzur e të fyer nga të tjerët për ato të meta fizike, ta ndiejnë veten të ulët e të fyer. Madje ka raste që bashkëmoshatarët u ngjisin atyre edhe ofiqe të ndryshme fyese, dhe kështu këta emra ironikë u mbeten pastaj për tërë jetën.
Në këtë mënyrë, rrethi më i ngushtë i shokëve bëhet nganjëherë shkaktar që koha më e bukur e fëmijërisë, mu ajo kohë që duhet ta ,kalojë pa kurrfarë brengash, për shkak të këtyre fyerjeve që i bëjnë të tjerët, vjen e bëhet fatkeqësi e madhe, bëhet kohë të cilën e kalon plot hidhërime.
Me fjalë të tjera, fëmija qysh në moshën më të njomë fillon ta ndiejë veten të poshtëruar e të nënçmuar nga bashkëmoshatarët e të formohet tek ai ideja e dyshimit dhe e mosbesimit në aftësitë e veta, transmeton Telegrafi.
Mirëpo, e keqja e madhe është sidomos kur mënyrat fyese, përbuzëse e poshtëruese vijnë nga vetë prindërit e tyre. Qëndrimet mospërfillëse të disa prindërve ndaj fëmijëve shfaqen në forma të llojllojshme.
Disa, duke dashur që të tallen pak me ta, i vënë në shpoti për ndonjë të metë që mund të kenë si p.sh. mosshqiptimi i mirë e i drejtë i disa fjalëve a tingujve nga ana e fëmijëve të vegjël. Dhe kur fëmijët e tyre fillojnë të bërtasin e të qajnë, sepse, preken e fyhen nga talljet e tyre, disa prindërve, për fat të keq, kjo nuk u bën përshtypje, por prapë vazhdojnë t’i tallin e t’i përqeshin të vegjlit e tyre.
Ka gjithashtu edhe disa prindër që i qortojnë e i shajnë fëmijët me lloj-lloj fjalësh e shprehjesh banale, të rënda e të pahijshme, duke u thënë p.sh.: “Hesht, se ti nuk di kurrgjë!”, Mos e prek ti atë punë!”,”Punë fëmijësh!”, ose “Ti je për të ruajtur lopët, ti je për samar!”. etj.
Por ka edhe prindër që e detyrojnë me përdhunë fëmijën të veprojë kundër dëshirës së tij, p.sh. i japin me zor të hajë ushqime, të cilat s’ia ka ënda në atë çast t’i hajë, ose e çojnë në shtrat kohë e pa kohe për të fjetur, vetëm e vetëm që të mos dalë e të luaj; jashtë, ose e zgjojnë më herët sesa duhet dhe kështu e bëjnë fëmijën të derdhë lot pa nevojë.
Përveç kësaj, ka edhe raste kur disa prindër nuk i trajtojnë të gjithë fëmijët e vet njësoj. Nuk mund ta marrim me mend se sa preken e fyhen fëmijët me të meta fizike kur vërejnë se prindërit e tyre duan ndoshta më tepër vëllanë a motrën e shëndoshë e të bukur, ose, nga ana tjetër, kur babai e nëna duan më tepër djalin se vajzën, e thonë: ,,Mos ma prekni e mos ma hidhëroni djalin!” E në qoftë se djali është kanakar “për hasret”, atëherë vaj halli për motrat e tij, sepse disa prindër nuk lejojnë që ti të preket as me pupël. Kurse disa prindër ndër ne shkojnë edhe më larg, sa, kinse duke u tallur, bëjnë edhe këso krahasimesh absurde: “Ju vajzat s’mund të krahasoheni me djemtë” ose “Këtë djalë s’e japim as për njëqind çika” etj.
Këto mënyra veprimi i prekin, i fyejnë dhe i dëshpërojnë shumë shpirtrat e njomë e pa të keq të fëmijëve e aq më tepër vajzat. ‘ Të gjitha këto natyrisht e prekin dhe e dëshpërojnë edhe më tepër fëmijën, e bëjnë t’i dobësohen nervat para kohe, sepse në luftë të përhershme me bashkëmoshatarët dhe prindërit e vet, del gjithnjë i mundur, i shtypur e i nënçmuar; të gjitha këto ia shuajnë e ia ndrydhin iniciativën, nuk e lënë të veprojë siç dëshiron, nuk kanë besim tek ai nuk çmohet e nuk respektohet as puna as personaliteti i tij. Me një fjalë, e nënçmojnë e nuk e përfill askush.
Ja, pra, këtu qëndron burimi kryesor i formimit të ndjenjës së inferioritetit te disa fëmijë. Dhe këto, pa dyshim, nxisin edhe ndjenja të tjera, siç janë ajo e urrejtjes dhe e ahmarrjes ndaj të gjithë atyre që i nënçmojnë, i tallin, i marrin nëpër këmbë.
Duke vepruar në këtë mënyrë ndaj disa fëmijëve, duke i trajtuar ata si të paaftë, të pafuqishëm, të paditur, duke i përqeshur, tallur e poshtëruar pajada, me dashje e pa dashje, duke mos respektuar mendimet e iniciativat e tyre dhe duke mos kërkuar asnjëherë mendimin e tyre për kurrgjë, këta fëmijë rriten e bëhen me karakter të dobët e pa kurrfarë iniciative, bëhen njerëz të përulur, të lëkundshëm e gjithmonë inferiorë ndaj më të fuqishmëve .
Ndërkaq, ajo që e nënçmon dhe e poshtëron fëmijën, që e ul shumë personalitetin e fëmijës më tepërmi, është të qortuarit me fjalë shumë të rënda fyese, e sidomos rrahja, posaçërisht kur ajo bëhet në prani të fëmijëve të tjerë. Aq më tepër është për të ardhur keq nëse prindërit veprojnë kështu me fëmijën e vet edhe në kohën kur ai është më i rritur, në moshën kritike të pubertetit kur në organizmin e fëmijës fillojnë të bëhen ndryshime të dukshme të menjëhershme fiziologjike dhe emocionale, kur është tepër i ndjeshëm, i shqetësuar e si i hutuar.
Mu në këtë moshë qëllon shpesh që fëmija i rritur të preket e të fyhet menjëherë aq tepër, saqë nga dëshpërimi i madh mund të vendosë shpejt e shpejt për gjëra fatale, te cilat kanë pasoja të tmerrshme e lënë vragë që nuk mund t’i harrojnë pastaj prindërit për tërë jetën: merr botën në sy, duke u larguar nga prindërit ose nganjëherë – megjithëse shumë rrallë – ndodh që t’i japë fund edhe jetës së vet në mënyrë mizore. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Ja pse marrëdhëniet tuaja nuk zgjasin: Frojdi zbulon se gratë e bëjnë këtë gabim gjatë gjithë kohës
Krijon volum dhe i jep flokut një natyrshmëri në lëvizje: Njihu me “mixie”, modelin e përsosur për vajzat guximtare
Si të grimoni sytë me qepalla të varura? Pesë këshilla për të krijuar një formë të zgjatur
Ja pse marrëdhëniet tuaja nuk zgjasin: Frojdi zbulon se gratë e bëjnë këtë gabim gjatë gjithë kohës
Bella Hadid sjell trendin e pantallonave që me siguri i ke në dollap
Anna Wintour me një fustan që femrat e adhurojnë, dizajni do të jetë hit gjatë ditëve të ngrohta
Krijon volum dhe i jep flokut një natyrshmëri në lëvizje: Njihu me “mixie”, modelin e përsosur për vajzat guximtare
Si të grimoni sytë me qepalla të varura? Pesë këshilla për të krijuar një formë të zgjatur
Gabimet të cilat duhet t’i shmangni për t’u dukur magjepse në çdo foto
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Laporta shumë nervoz pas humbjes me Gironan – ai bërtiti vetëm me pesë fjalë, humbja mund t'i kushtojë miliona euro Barcelonës
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Erjolën e hedhin në mes të natës në pishinë, i ekspozohen pjesët intime
Vinicius ironizon me Araujon: Publikon trofetë e fituar nga gjenerata e re e Real Madridit
Tjetër fitore për Ukrainën: Rusia tërheq nga vijat e frontit dhjetëra aeroplanë luftarak
Këto janë vendet ku TikTok tashmë është i ndaluar – dhe nuk janë pak