Kryetari i Vetëvendosjes, Visar Ymeri, i ka bërë ftesë publike Lidhjes Demokratike të Kosovës që para certifikimit të rezultateve të takohen për të biseduar rreth formimit të Qeverisë së re.
Ymeri përmes një postimi në Facebook ka thënë se vota e qytetarëve duhet të reflektojë në qeverisjen e vendit, ku sipas tij, nuk është e rrugës që vullneti i tyre e që të përdhoset.
Ky është postimi i plotë i Ymerit:
“Zgjedhjet e 11 qershorit kanë një rëndësi të jashtëzakonshme për Republikën e Kosovës. Sepse shkojnë përtej zgjedhjeve. Në një mënyrë këto e thyejnë dhe prapakthejnë thënien që ‘nëse zgjedhjet do të ndryshonin ndonjë gjë, do të shpalleshin të jashtëligjshme’.
11 qershori ndryshoi shumëçka.
Më 11 qershor ka fitues dhe humbës. Fituesi është VETËVENDOSJE!. Humbësi është PDK. VETËVENDOSJE! fitoi si përpjekje 12 vjeçare për të mirën e përgjithshme, si vetëmohim e sakrificë e aktivistëve, si koncept politik ndryshe nga të tjerët, si program sovranizimi, zhvillimi e barazie, dhe si luftë e pakompromis ndaj krimit dhe korrupsionit. VETËVENDOSJE! fitoi me listën e vet dhe me kandidatin e vet për kryeministër. Secila votë për VETËVENDOSJE!-n është votë për të gjitha këto.
PDK humbi si qeverisje e korruptuar e përfshirë në krim, si qeverisje e koncesioneve ndaj Serbisë, si qeverisje që u përpoq t’i falë tokë Malit të Zi, si qeveri që e pamundësoi zhvillimin, nuk e integroi as territorin e as shoqërinë, e nxiti dhe mirëmbajti pabarazinë, e koncentroi pasurinë publike e shoqërore në duar të pakta oligarke e partiake. Secila votë kundër PAN është votë kundër të gjitha këtyre.
Vota e qytetarëve duhet të reflektoj në qeverisjen e vendit. Kjo nuk bën të ndryshohet. Asnjë nga ne nuk kemi të drejtë ta përdhosim vullnetin e qytetarëve. Ambiciet personale duhen lënë anash. Për 3 vjet rresht qytetarët e kanë parë se si ka qeverisur Qeveria Mustafa. Për këto 3 vite na e kanë parë aksionin tonë politik, na kanë dëgjuar neve tek diskutojmë në Kuvend e në televizion. 10 ditë fushatë i kanë dëgjuar të gjitha premtimet e koalicioneve. E kanë dëgjuar edhe programin tonë siç i kanë ndjekur paraqitjet tona. Tash ata na treguan çfarë po mendojnë. Ejani t’i dëgjojmë. Ejani ta bëjmë ndryshimin. Ejani ta heqim Klanin Pronto siç kërkuan qytetarët. Ejani t’ia kthejmë Kosovës edhe Republikën edhe dinjitetin.
Le të takohemi e të flasim. Nga deklaratat publike të zyrtarëve të LDK-së me në krye z. Mustafa shihet se kemi aq shumë gjëra për të biseduar. Nuk është mirë të refuzohet dialogu. Unë po e ripërsëris thirrjen tonë për dialog.
Është e pakuptimtë të presim certifikimin përfundimtar të rezultateve për t’u takuar. Vetëm për një deputet në fund mund të ndryshojë përbërja e deputeteve të LV dhe LAA. Kjo pritje është pengim i vetvetes e jo pengesë e sistemit ndaj nesh.
Në asnjë fushatë si kjo nuk është garuar në mënyrë të theksuar me kandidatë për Kryeministra. Populli ka vendosur me 11 qershor. Dhe, ka vendosur të ecim përpara. Jo të kthehemi prapa. Shihni votat e kandidatëve për kryeministra dhe deputetë, aty e gjeni popullin.
LDK qëndrimin në opozitë e ka të sigurt. Zotësia është të vijë në një qeveri ndryshe për ndryshime”.
Promo
Reklamo këtuLufta Prigozhin - Putin
Më shumëFruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Çfarë pyetje u bëhen qytetarëve në diasporë për regjistrim?
Anëtarësimi i Kosovës në KiE, cilat janë vendet skeptike që duan fillimisht asociacionin?
Kurti merr kundërpërgjigje për kritikat ndaj Prokurorisë Speciale
AGK-ja dënon intimidimin publik të deputetit Dimal Basha ndaj gazetares së RTK-së
Profesori i kriminalistikës: Bandat ruse porositën sulm në burgun e Reçit në Shkodër, ja si u planifikua
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City