Udhëheqësi i Departamentit për krime lufte në Prokurorinë Speciale, Ilir Morina i është kundërpërgjigjur kritikave të fundit të kryeministrit Albin Kurti për këtë institucion. Në një intervistë për Dukagjinin, Morina thotë se ata punojnë vazhdimisht e jo vetëm në përvjetorë masakrash.
“Qeveria e Republikës së Kosovës duke ngritur kapacitetin edhe të hetimit edhe kushtet e të ardhurat e prokurorëve ka krijuar të gjitha mundësitë që kriminelët qoftë në prezencë qoftë në mungesë, të akuzohen, gjykohen e dënohen”.
Kjo është vetëm një nga herët e shpeshta që kryeministri i Kosovës, Albin Kurti e godet me kritika Prokurorinë e Shtetit, veçanërisht atë Speciale.
Këtë e bëri edhe në përkujtimin e masakrës në Nabërgjan të Pejës, ku para familjarëve u ankua se për këtë rast e shumë të tjerë nuk ka as dënime e madje as aktakuza të ngritura.
Kritikës së fundit të kryeministrit, i është kundërpërgjigjur, udhëheqësi i departamentit për krime lufte në Prokurorinë Speciale.
Ilir Morina, megjithëse nuk dëshiron të lëshohet në koment se i quan politike ato, tregon se ata punojnë intensivisht për secilin rast.
“Ne punojmë për ditë, nuk është çështje që ne vetëm kur janë përvjetorët, ne duhet ta informojmë publikun. Nëse na përcillni ne punojmë vazhdimisht dhe kjo nuk ka të bëjë me pagën e prokurorëve, kjo është me vullnetin, me punën dhe profesionin që bëjmë ne që nuk është çështje e pagës prandaj nuk e di pse duhet të minimizohet i gjithë ky mund që po bëhet në këtë departament me një koment të atillë”, ka thënë Morina.
Pos, kësaj sipas shoqërisë civile, kritikat e pushtetit drejtuar Prokurorisë Speciale përbëjnë shkelje të pavarësisë së institucioneve të drejtësisë.
“Në një shtet si Kosova që me Kushtetutë i ka pushtet e ndara, kryeministri deputetët, politikanët kur kritikojnë hapur institucionet e drejtësisë pa dyshim se kjo përbën shkelje e pavarësisë së këtyre institucioneve po edhe shkelje të vetë kushtetutës nga vetë kryeministri dhe të tjerët”, ka tënë Miftaraj.
Ndërkohë, nga Prokuroria Speciale thanë se së shpejti do të ngritet edhe një aktakuzë e re që ka të bëjë me krime lufte.
“Shumë shpejt presim dhe kemi një aktakuzë për një rast dhunimi dhe në momentin që aktakuza do të jetë gati edhe publku do të njoftohet”, ka shtuar Morina.
Morina ka folur edhe për numrin e vogël të prokurorëve në departamentin për krime të luftës që tha se vjen si rezultat i mosmiratimit të buxhetit që ata kërkojnë përmes KPK-së nga Qeveria.
Aktualisht, në Departamentin për krime luftë të Prokurorisë Speciale punojnë vetëm tre prokurorë.
Promo
Reklamo këtuLufta Prigozhin - Putin
Më shumëMospërfshirja e Kosovës në agjendën e Komitetit të Ministrave të KiE, reagime të ashpra ta deputetëve gjermanë – kritikojnë qeverinë e tyre
Projekti më i mirë, Piramida e Tiranës fiton çmimin e madh për Evropën Juglindore
Kosova jashtë KiE-së, deputetja finlandeze akuzon BE-në se po tregohet e butë me Serbinë
Flet shqiptari që vrau gruan: Nuk pendohem, hante me paratë e mia dhe më tradhtonte
Bie nataliteti në Kosovë, ASK dhe MPB me statistika të ndryshme për lindjet
Plagosje me armë zjarri në Nashec të Prizrenit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Meç i madh i boksit mes Tyson Fury dhe Oleksandr Usyk - detajet minutë pas minute
Demografia evropiane - cili shtet ka natalitetin më të lartë dhe ku qëndron Kosova?
Mospërfshirja e Kosovës në agjendën e Komitetit të Ministrave të KiE, reagime të ashpra ta deputetëve gjermanë – kritikojnë qeverinë e tyre
“Vuçiq paguan paraprakisht në rast të fitores së Trumpit”, mediat botërore shkruajnë se si dhëndrit të ish-presidentit amerikan iu shit ndërtesa e Shtabit të Ushtrisë Serbe
Gjithçka çfarë duhet të dini për meçi mes Tyson Fury dhe Oleksandr Usyk: Koha, titujt, rekordet dhe pesha e tyre
Projekti më i mirë, Piramida e Tiranës fiton çmimin e madh për Evropën Juglindore