Ligji për Barazi Gjinore duhet patjetër që të harmonizohet me ligjin për Zgjedhje në Republikën e Kosovës. Ky është konstatimi që nxjerr Jeta Krasniqi, nga Instituti Demokratik i Kosovës (KDI).
Krasniqi thotë se Komisioni Qendror i Zgjedhjeve, kur i certifikon listat e kandidatëve të subjekteve politike mbështetet në kriterin e përcaktuar me Ligjin për Zgjedhjet e jo në Ligjin për Barazi Gjinore.
“Duke qenë se mungon harmonizim ligjor, KQZ, kur certifikon listat e kandidateve të subjekteve politike mbështetet në kriteret e përcaktuara në Ligjin për Zgjedhjet e Përgjithshme i cili parasheh që së paku tridhjetë për qind të jenë kandidatë nga gjinia më pak e përfaqësuar. Mund të ketë parti të cilat kanë lëvizur nga kjo kuotë, por prapë baza e përdorur nga partitë politike për përfaqësim gjinor është 30%, siç parashihet në ligjin për zgjedhjet dhe jo sipas ligjit për barazinë gjinore që kërkon përfaqësim të barabartë gjinor”, ka thënë ajo për Telegrafin.
Andaj, sipas Jeta Krasniqit, duhet patjetër që këto dy ligje të harmonizohen.
“Duhet patjetër që ligji për barazinë gjinore të harmonizohet dhe të reflektohen edhe në ligjet e tjera, përfshirë ligjin për zgjedhje”, ka thënë tutje Krasniqi.
Por ndryshe mendon analisti Imer Mushkolaj, i cili në një prononcim për Telegrafin ka thënë se ky përfaqësim është i imponuar dhe se është kundër kësaj kuote.
Ai tha se në lista duhet të përfshihen aq gra sa e meritojnë të jenë në ato pozicione e jo me kuotë.
“Kryesisht në listat e partive janë përfshirë 30 për qind gra. Por, ky përfaqësim është i imponuar. Unë jam kundër kuotave të përcaktuara dhe besoj se në lista duhet të përfshihen aq gra sa konsiderohet se është meritore dhe në të mirë të subjekteve politike, e jo domosdoshmërisht se një shifër e caktuar kërkohet sipas rregullativës ligjore”, ka thënë Mushkolaj.
Ndërkaq, Agjencia për Barazi Gjinore e Republikës së Kosovës, në kuadër të Zyrës së kryeministrit, ka reaguar përmes një komunikate, ku ua përkujton subjekteve politike, pjesëmarrës në fushatën elektorale për zgjedhje të parakohshme parlamentare të 11-të qershorit 2017, respektimin dhe zbatimin e Ligjit për Barazi Gjinore të Kosovës neni 6-të, pika (8-të) për përfaqësim të barabartë gjinor në të gjitha organet legjislative me përfaqësim 50 për qind për secilën gjini.
Edhe rrjeti i Grupeve të Grave të Kosovës (RrGGK, u ka bërë thirrje subjekteve politike që të respektojnë Ligjin nr. 05/L-020 për Barazi Gjinore dhe në listat e kandidatëve të cilat i dorëzohen Komisionit Qendror Zgjedhor (KQZ), të ofrojnë mundësi të barabarta për burrat dhe për gratë.
Ndryshe, në ligjin e Republikës së Kosovës për zgjedhjet e përgjithshme neni 27 pika 27.1 thuhet se në listën e kandidatëve të secilit subjekt politik së paku tridhjetë (30 %) për qind janë meshkuj dhe së paku tridhjetë (30 %) për qind janë femra.
Neni 27, pika 27.1- “Në listën e kandidatëve të secilit subjekt politik së paku tridhjetë për qind janë meshkuj dhe së paku tridhjetë për qind janë femra; me nga një kandidat të secilës gjini përfshirë së paku njëherë në secilin grup prej tre kandidatëve, e që numërohet nga kandidati i parë në listë”. /Telegrafi/
Lufta Prigozhin - Putin
Më shumëNga Rubrika
Të dëmtuarit thonë se i akuzuari Bajroviq së bashku me paramilitarët e tjerë i kishin maltretuar gjatë luftës
Inspektorati i Prishtinës në aksion, shqipton gjoba e konfiskon targa
40 studiues shqiptarë dhe të huaj kërkojnë nga qeveria shqiptare mbrojtjen e Deltës së Vjosës
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
A do t'i "shpëtojë" Albin Kurti Asociacionit të komunave me shumicë serbe, flasin analistët
Suspendimi i profesorit Krasniqi pas akuzave për ngacmim seksual, dekani i Fakultetit të Edukimit tregon detaje të vendimit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Kurti: Anëtarësimi në KiE, hapi i parë drejt bashkimit me familjen evropiane
“Ka vetu, e ka bo Zoti dritë dhe e kom pa atë njeri”, thotë dëshmitarja për vrasjen e trefishtë në Gllogjan
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre