0Shares

Jonathan Waterer nga Devon i Anglisë, që është pronar i një toke prej më se 400 hektarësh, ende shfrytëzon kuajt për të kryer punën e nevojshme në fushë.

Për dallim nga fermerët tjerë, 57-vjeçari punon njëjtë sikurse paraardhësit e tij që ndihmoheshin nga kafshët, para se të lansoheshin makineritë me djegie të brendshme, transmeton Telegrafi.

Lërimi i tokës me kuaj, në vend të makinerive moderne

Kjo formë jo vetëm se i pëlqen më shumë, por i duket shumë me ekonomike, sepse kuajt që kanë secili nga një ton dhe janë të gjatë më se dy metra, janë më të lirë se makinat.

“Fqinjët kanë tokë të njëjtë dhe për ta lëruar atë, i duhen katër traktorë dhe po aq punonjës. Kuajt e mijë hanë vet tërshërë dhe barë, që ka pa masë”, ka thënë Waterer lidhur me rastin.

Kuajt hanë vet dhe shpenzojnë më pak se traktorët

Në fakt, kuajt e racës Shire që mund të punojnë mirë deri në vitet e 20-ta, shfrytëzohen për punë të gjatë, sepse janë të palodhshëm.

“Mënyra vjetër e lërimit të tokës merr më shumë kohë, por është tradita ynë dhe duhet ta kultivojmë”, ka thënë më tutje pronari i më se 40 kuajve.

Ferma kultivohen në mënyrë natyrale dhe mbrohet ambienti

Pos kursimit që bënë me këtë rast, ai pretendon se e mbron ambientin nga lëshimi i gazrave që bëjnë traktorët. /Telegrafi/

Të Ngjajshme

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.

Shfaq Komentet (0)