0Shares

Kandidati për Kryeministër nga koalicioni PDK-AAK-Nisma, Ramush Haradinaj, ka deklaruar se tashmë ky koalicion ka siguruar votat e mjaftueshme për krijimin e institucioneve të reja.

Punë të kryer e sheh krijimin e institucioneve të reja kandidati për Kryeministër nga PDK-AAK-Nisma, Ramush Haradinaj.

Votat e nevojshme, sipas tij, tashmë ekzistojnë dhe se ai do të jetë në krye të Qeverisë së Kosovës.

Haradinaj thotë se mezi po pret certifikimin e rezultateve të zgjedhjeve të 11 qershorit nga e KQZ-së duke premtuar se në afat rekord do të formohen Kuvendi dhe Qeveria.

“Vota për Qeverinë ekziston. Pra kemi votën për Qeverinë. Ndoshta ajo që mund të bëjmë më tutje është që të sigurojmë një përkrahje më të gjerë, një koalicion sa më solid, se për votë për me fillu me Qeverinë, këtë e kemi”, tha Haradinaj për televizionin publik të Kosovës.

Haradinaj nuk ka mohuar të ketë pasur takime me zyrtarë të Aleancës Kosova e Re që është në koalicion me LDK-në dhe Alternativën por nuk ka përjashtuar edhe takime dhe biseda edhe me zyrtarë të partive të tjera në mënyrë që sa më shpejt të krijohen institucionet.

“Nuk kemi nis, po vazhdojmë. Kjo s’është ndërpre asnjëherë. Kemi komunikim të vazhdueshëm me të gjithë”, tha Haradinaj.

Por një takim me zyrtarë të AKR-së me Ramush Haradinajn e kanë mohuar zyrtarë të lartë të AKR-së.

Të Ngjajshme

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.

Shfaq Komentet (0)