Muaji qershor është dhënë si afat optimal për mbajtjen e zgjedhjeve të reja në Kosovë nga kryeministri në detyrë, Albin Kurti, por tashmë afatet ligjore e pamundësojnë një gjë të tillë.
Përkundër kësaj, në Lëvizje Vetëvendosje këmbëngulin që qytetarët të dalin në kutitë e votimit brenda 45 ditëve pas vendimit të Gjykatës Kushtetuese, që siç thonë do të jetë në favor të tyre. Ndërsa, mbajtjen e zgjedhjeve të reja e kundërshtojnë dy partitë që po pretendojnë të formojnë qeverinë, LDK-ja dhe AAK-ja.
Kurse, njohësit e sistemit zgjedhor e japin muajin korrik si mundësi për zgjedhje të reja, nëse Kushtetuesja e rrëzon dekretin e presidentit Hashim Thaçi për mandatarin.
Anëtarja e kryesisë së Lëvizjes Vetëvendosje, Albulena Haxhiu thotë se zgjedhjet duhet të mbahen sa më parë pas rrezikut nga pandemia COVID-19.
“Ne e kemi përmendur si muajin më të përshtatshëm muajin qershor, por kjo nuk mundet të ndodhë për faktin se sipas legjislacionit të kushtetues, zgjedhjet e jashtëzakonshme nuk mund të mbahen më herët se 30 ditë dhe më vonë se 45 ditë. Në këtë drejtim kemi thënë se duhet të mbahen sa më parë që është e mundshme pas rrezikut nga pandemia COVID-19”, thotë ajo.
Kundër zgjedhjeve të reja u shpreh nënkryetari i LDK-së, Lutfi Haziri. Sipas tij, mbajtja e zgjedhjeve në këtë kohë është tepër luksoze.
“Duke pasur parasysh mos realizimin e rekomandimeve të BE-së për sistemin zgjedhor, duke pasur parasysh pandeminë, duke pasur parasysh gjendjen sociale që është duke rënduar në kohë pandemie. Efekti i pandemisë në ekonomi, kosto buxhetore të zgjedhjeve, është tepër luksoze me kërkuar, me dalë njerëzit në zgjedhje të një lideri apo partie politike”, thotë ai.
Në linjë të njëjtë me Hazirin u shpreh edhe nënkryetari i AAK-së, Ardian Gjini, partitë e të cilëve po mëtojnë të formojnë qeverinë e ardhshme.
Gjini thotë se ky kuvend duhet të çojnë mandatin deri në fund.
“Se kur mund të mbahen zgjedhjet është diçka për të cilën kishim me bisedu, nëse ishim në situata tjera. Në rrethana normale edhe duhet të vendosim se kur e shpërbëjmë kuvendin dhe se kur po i mbajmë zgjedhjet. Tani zgjedhjet munden me ardh me automatizëm ose munden me ndodhë me ndonjë shpërndarje të kuvendit, mirëpo nuk mundem me e ditë unë, kuvendit duhet me e qu mandatin deri në fund të paktën një herë”, deklaron ai.
E drejtori i IKD-së, Ehat Miftaraj thotë afati prej 45 ditësh nëse kushtetuesja e rrëzon dekretin e presidentit Hashim Thaçit, do të ishte optimal për mbajtjen e zgjedhjeve.
“Nëse Gjykata Kushtetuese potencialisht merr një vendim që Kosova duhet të shkojë në zgjedhje, atëherë afati prej 45 ditëve është afati që e përcakton Kushtetuta dhe ligji. Këtu nuk mund të themi që është në kuadër të vullnetit të presidentit apo dikujt tjetër. Nënkupton se momentin kur kemi një aktgjykim të Gjykatës Kushtetuese, atëherë automatikisht vihet në zbatim afati prej 45 ditëve. Në këtë rast, duke marrë për bazë që kemi të bëjmë me organizimin e zgjedhjeve të përgjithshme, mendojë që ky afat do të ishte afat optimal se kur do të ishte dita se kur do të mbaheshin zgjedhjet”, thotë ai.
Se Kosova nuk mund të shkojë në zgjedhje në muajin qershor, siç ka pretenduar kryeministri Kurti, e thotë analisti politik Rasim Aliaj.
“Muajin qershor e kemi humbur me afate kushtetuese. Nuk ka gjasë që muaji qershor të jetë muaji i zgjedhjeve në Kosovë. Pavarësisht që Serbia dhe Maqedonia i kanë zgjedhjet në qershor, por që të dyja kanë pasur data paraprakisht që i kanë shtyrë shkaku i pandemisë”, thotë ai.
Zgjedhjet e fundit parlamentare Kosova i ka mbajtur më 6 tetori të vitit të kaluar. Pas rrëzimit të Qeverisë Kurti, Kuvendi i Kosovës nuk është shpërndarë, pasi presidenti, Hashim Thaçi ka dekretuar për kryeministër, Avdullah Hoti nga LDK-ja. Ky dekret po kontestohet në Gjykatën Kushtetuese nga LVV-ja./KP/Telegrafi/
Promo
Reklamo këtuLufta Prigozhin - Putin
Më shumë
Masakra e Kralanit, e vërteta e dhimbshme e Sheremet Ismajlit - shpëtoi të birin duke marrë vendin e tij në pushkatim

A është PDK e gatshme t'ia jep Abdixhikut postin e kryeministrit, përgjigjet Bedri Hamza

Planet për flotë ajrore, mbështetja e SHBA-së për tranzicionin e FSK-së në Ushtri të Kosovës

Abdixhiku i prerë: LVV-ja edhe mbretëri me na dhënë s’bëjmë koalicion me ta

E përcolli deri tek shkallët, mjeku i QKUK-së plot emocion rrëfen takimin me Thaçin

Fermerët alarmojnë për vjedhje të bagëtive, policia po i heton rastet

104.5m² komfort – Banesë luksoze me pamje tërheqëse për zyret e juaja

Investoni në të ardhmen tuaj – bli banesë në ‘Arbëri’ tani! ID-140

Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254

Ideale për zyre – në qendër të Prishtinës lëshohet banesa me qira ID-253

Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123

Për vetëm 29.95€ me Telegrafi Deals dhe Melodia PX, këto patika bëhen tuajat!

Marrëveshje: Melodia Px dhe Telegrafi Deals janë dakordu që atletet Nike për femra ti ofrojnë për vetëm 69.95€, deri më 09 mars!

A do të shihemi në Balkan eCommerce Summit 2025?

Ekskluzivisht në Telegrafi Deals – Nike REAX nga 101€ në 79.95€!

Çfarë do të thotë DeepSeek AI për marrëdhëniet e SHBA me Kinën?
Më të lexuarat

Ndodhet akoma në Big Brother - publikohet data e koncertit të parë të Gjestit

Zbulohen prapaskena befasuese: Me vetëm një telefonatë, Perez ndikoi që dy lojtarë të Barcelonës ta kalojnë regjistrimin

Ishte apo jo prekje e dyfishtë nga Alvarez? TNT Sports publikon pamje të reja për t'u dhënë fund debateve

Diego Simeone i la të gjithë pa fjalë për pyetjen që bëri në konferencë për media

Ulet pranë Gjestit, Xheneta: Dikush m’i ka puthur këta gishta të këmbës

Republika Serbe miraton një draft të kushtetutës së re - shtet brenda shtetit të Bosnje dhe Hercegovinës