Unitedi e turpëron Chelsean në startin e Ligës Premier – Daniel James debuton me gol

Manchester Unitedi e ka filluar sezonin e ri të Ligës Premier me fitore, duke e mposhtur Chelsean në Old Trafford me rezultat 4-0.

Golin e parë për Djajtë e Kuq e realizoi Marcus Rashford nga penalltia në minutën e 18-të, pas ndëryrjes së palejueshme që bëri Kurt Zouma në zonën e rreptësisë.

Pjesa e parë përfundoi me epërsinë minimale të vendasve, mirëpo e dyta ishte e rezervuar e gjitha për ta.

Anthony Martial e dyfishoi epërsinë për Unitedin në minutën e 65-të, pas asistimit që pranoi nga Andreas Pereiran.

Pas vetëm dy minutash që francezi realizoi golin e dytë, Rashford arriti ta shënonte  golin e tij të dytë në ndeshje dhe të tretin për Unitedin, nga asistimi i Paul Pogbas.

Kur u mendua se derbi po përfundon 3-0, Daniel James i sapoinkuadrua në lojë, shënoi për 4-0 në minutën e 81-të, e që ishte gol në debutimin e tij për Djajtë e Kuq.

Pas xhiros së parë, Unitedi i bashkohet, Manchester Cityt, Liverpoolit, Arsenalit dhe Tottenham Hotspurit, që kanë fituar tri pikët e para, derisa Frank Lampard debutoi me humbje në Ligën Premier. /Telegrafi/

https://twitter.com/goal201920/status/1160579767290064896

https://twitter.com/FootballHiccups/status/1160597995039219714

Marcus Rashford’s goal vs Chelsea (3-0) https://t.co/EvMYFfZsTV

— United Goals ⚽️ (@UnitedGoals__) August 11, 2019

Daniel James’ goal vs Chelsea (4-0) pic.twitter.com/TqN1oucVrp

— United Goals ⚽️ (@UnitedGoals__) August 11, 2019