Shprehu dashurinë e tij për Barcelonën – tifozët e Atletico Madridit shkatërrojnë pllakën e Felix para stadiumit

Kur mbërriti në Atletico Madrid nga Benfica në vitin 2019, Joao Felix u pagua 127 milionë euro dhe ende mban rekordin si lojtari më i shtrenjtë në historinë e klubit madrilen.

Megjithatë, portugezi nuk i përmbushi pritjet dhe shkoi në huazim te Chelsea. Tani ai është kthyer në Atletico sepse Chelsea nuk donte ta blinte, por Simeone nuk e sheh atë në planet e tij as për sezonin e ardhshëm.

Felix tani është duke kërkuar dëshpërimisht një mënyrë për të vazhduar karrierën e tij dhe në intervistën e fundit ai iu ofrua Barcelonës, duke thënë se do të donte të luante në këtë klub, pasi është klubi që e ëndërron që në fëmijëri.

Lexo po ashtu Deklarata goditëse e Joao Felix: Do të doja të luaj për Barcën

Përgjigja e Atletico Madridit mbërriti shpejt, pasi sipas AS, Atletico Madridi do ta lërë portugezin të shkojë në huazim te Barcelona nëse ai e dëshiron vërtet.

Marrëveshja mund të përfundojë deri në fund të kësaj jave.

Lexo po ashtu Formula që do të lejonte Barcelonën të nënshkruar Joao Felixin nga Atletico Madridi

Ashtu siç pritej, tifozët e Atleticos e morën këtë veprim të Felix si tradhti dhe këtë mëngjes disa prej tyre erdhën në Wanda Metropolitano dhe përdhosën pllakën e tij që qëndron para stadiumit.

📸 This is what João Félix’s plaque outside the Metropolitano looks like right now. @AtletiFrancia via @atletiuniverse pic.twitter.com/0LTxyYwY2J

— barcacentre (@barcacentre) July 19, 2023

Ata shënuan në emrin e tij disa ofendime i dërguan një mesazh të qartë: “Shko në Barcelonë”. /Telegrafi/