Short tmerri për Ten Hag, Man Utd do të përballet me ‘gjashtëshen e madhe’ në 13 ndeshjet e para të sezonit

Trajneri i ri i Manchester United, Erik ten Hag do të përballet me secilën nga gjashtë skuadrat e mëdha të Ligës Premier në 13 javët e para të sezonit 2022/23.

Reds do të ndeshen me rivalët e urryer, Liverpoolin, në Old Trafford brenda javës së tretë të sezonit të ri.

Ndeshja në shtëpi me Jurgen Klopp vjen pasi ata presin Brighton në javën e parë dhe udhëtojnë te Brentford në javën e dytë të sezonit.

Lexo po ashtu Publikohet kalendari për sezonin e ri në Ligën Premier, City e nis mbrojtjen e titullit në udhëtim te West Ham United

United do të ndeshet kundër të gjithë ‘gjashtëshes së madhe’ në 13 ndeshjet hapëse të trajnerit të ri, Ten Hag, duke bërë presion të mëtejshëm mbi hierarkinë e klubit për të dhënë rezultate në afatin kalimtar të verës.

📋 𝗜𝗻 𝗳𝘂𝗹𝗹: our 2022/23 #PLFixtures! 🗓#MUFC | #PL pic.twitter.com/KUOSDknAS0

— Manchester United (@ManUtd) June 16, 2022

Ai do të drejtoj skuadrën e tij ndaj kampionëve të Manchester Cityt në derbin e parë të sezonit më 1 tetor, i cili vjen menjëherë pasi United mirëpret Leeds Unitedin në Old Trafford.

Një tetor i vështirë përfshin gjithashtu një përplasje në shtëpi me Tottenhamin dhe një vizitë në Stamford Bridge për t’u përballur me Chelsean e Thomas Tuchel. /Telegrafi/