Rusia ka shkatërruar 180 mijë tonë grurë të Ukrainës

Ukraina thotë se 180 mijë tonë grurë u shkatërruan në nëntë ditët e sulmeve ruse.

Rusia përmes raketave ka shkatërruar rreth 180 mijë tonë grurë brenda nëntë ditëve gjatë këtij muaji që po lëmë pas, njoftoi sot Ministria e Jashtme e Ukrainës.

Forcat e presidentit rus, Vladimir Putin kryen sulme ajrore në infrastrukturën e portit ukrainas disa herë pas tërheqjes nga marrëveshja e grurit që i kishte lejuar ukrainasit të eksportonin në mënyrë të sigurt grurin.

After withdrawing from the #GrainDeal, Russia committed yet another series of war crimes by shelling 🇺🇦 #Ukrainian port cities and grain warehouses.

Here is what they've done during the first 9 days.

We must stop 🇷🇺 #HungerGames and ensure global food security now. pic.twitter.com/iKUpkdQnov

— MFA of Ukraine 🇺🇦 (@MFA_Ukraine) July 31, 2023

Mes pushtimit rus të Ukrainës, eksporti i drithit nga Ukraina dhe i ushqimeve e plehrave nga Rusia pësoi një goditje të rëndë.

Kjo ndërprerje e furnizimit dërgoi në një rritje të çmimeve, duke përkeqësuar krizën e vazhdueshme globale të ushqimit.

Për të adresuar këtë krizë dhe për të rivendosur eksportet thelbësore të ushqimit dhe plehrave nga Ukraina në tregun ndërkombëtar, Kombet e Bashkuara dhe Turqia ndërmjetësuan marrëveshjen e drithërave. /Telegrafi/