Në edicionin e gjashtë të Konferencës për Integritetin e Informacionit “DISICON”, që po mbahet në Prishtinë, është diskutuar edhe për një mjedis medial të sigurt, gjithëpërfshirës dhe të barabartë.
Kryeredaktori i Telegrafit, Muhamet Hajrullahu i cili ishte pjesë e panelit diskutues u shpreh se mediat kanë rol të rëndësishëm për të shtyrë përpara barazinë gjinore.
Hajrullahu pati kritika edhe për partitë politike, për të cilat tha se duhet të jenë më të hapura për përfaqësim nga gratë.
“Kritikë për partitë politike të Kosovës, për shkak se shpesh herë kur tema diskutimi janë ështje të mëdha në panele diskutimi nuk dërgohen gratë por burrat.
Ka shumë gra në Kosovë në fusha të ndryshme që janë eksperte dhe mund të japin kontribut të jashtëzakonshëm. Roli i mediave është i rëndësishëm që me shty përpara barazinë gjinore”, u shpreh Hajrullahu.
Tatjana Lazareviq, kryeredaktore në portalin KoSSev, u shpreh se gazetaria është bërë biznes i grave.
“E them me qëllim gazetaria e jo mediat, sepse më të ballafaquara në media janë gratë… Po flas për redaksitë te mediave në gjuhën serbe në Kosovë ku gratë dominojnë”, tha Lazareviq.
Ajo përmendi faktin që shpesh herë kur gratë që janë në media raportojnë për çështje delikate, ato janë cak i sulmeve të ndryshme.
Analisti politik, Agon Maliqi theksoi se fuqia e medias është shumë e fortë kur bëhet fjalë për raportimin e rasteve të ndjeshme.
“Nuk kuptohet se kur raportohet për një rast të vrasjes dhe fillojnë diskutohet se çfarë ka bërë ajo grua që është vrarë, atëherë kjo prodhon një rast që të sulmohet ai person mbi baza gjinore”, ka thënë Maliqi.
Ai shtoi se mediat shpeshherë kur janë temat me rrezik siç është rasti i ngjarjeve në veri, i dërgojnë gratë kurse kur bëhet fjalë për tema të mëdha në Bruksel shkojnë burrat.
Donika Emini, drejtoresh ekzekutive e Civi-Kos, tha se nuk ka nevojë studim i thellë për të parë trendin negativ ndaj grave në Kosovë.
“Ne duhet të trajnohemi për të qenë pjesë e debateve sidomos atyre televizive. Kur je e vetmja grua pjesëmarrëse në panel asnjëherë nuk jam ndier si Donika Emini por vetëm si grua dhe çfarëdo që bëjë dhe them unë mbaj barrën për të gjitha gratë”, u shpreh Emini.
Ajo ka shtuar se gratë shpeshherë në media ekspozohen vetëm për tema sociale.
Drejtori ekzekutiv i Këshillit të Mediave të Shkruara në Kosovë, Imer Mushkolaj theksoi se hapësira publike në Kosovë është e kontaminuar, në kuptimin e asaj se çfarë thuhet dhe si veprohet.
“Është fakt që nuk është e njëjtë si të jesh burrë dhe grua në hapësirën publike në Kosovë. Rrjetet sociale e kanë bërë që të shpërfaqet më shumë gjuha e urrejtjes ndaj grave”, tha Mushkolaj.
Mushkolaj shtoi se është përgjegjësi e jona si shoqëri, po ashtu edhe mediave që të ndryshojmë këtë diskurs.
Në fund të këtij diskutimi u bë thirrje që Edukimi Medial të jetë i pranishëm në shkolla, e po ashtu që të ndryshohet diskursi “burrë e grua” në hapësirën publike. /Telegrafi/
Lufta Prigozhin - Putin
Më shumëKush ishin dy gratë që dhanë idenë për pajtimin e gjaqeve, tregon bashkëpunëtori i Anton Çettës
Bajrami: Jam i gatshëm ta ndihmoj Kurtin në procesin e Asociacionit
Të shtëna me armë në Lupç të Podujevës, katër të plagosur
Balje: Deklarata e Kurtit për Kodin Civil është provokuese, nuk votoj pro martesave të gjinisë së njëjtë
Ndalohen për 48 orë pesë të dyshuar për rastin e plagosjes në Lupç
Vdes në vendin e punës punëtorja e një furre të bukës në Mitrovicën e Veriut
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit