Prizreni – qyteti i “dy” universiteteve publike
“Universitetet nuk themelohen me vendime, por me ligj” (Enver Hoxhaj, ministër aktual i Arsimit)
Vendimi i fundit i Qeverisë së Hashim Thaçit për formimin e Universitetit të Prizrenit, sa ka qenë sihariq i mirëpritur dhe i mirëseardhur për qytetarë e tij, aq i ka bërë edhe skeptik ata. Sepse, sikur është bërë zakon në dy zgjedhjet e fundit, për ta fituar sa më shumë besimin e elektoratit të këtij qyteti, gjatë çdo fushate parazgjedhore, partitë politike në pushtet, gjithmonë si karrem e përdornin këtë truk të mashtrimit politik.
Neve si qytetarëve prizrenas, ende na kujtohet mirë dy vjet më parë, kur gjatë fushatës elektorale të LDK-së, në Qendrën sportive të Prizrenit, ish ministri arsimit Agim Veliu, solli një vendim të Ministrisë për themelimin e Universitetit në Prizren, dhe në praninë e mira simpatizantëve partiak dhe të shumë medieve, publikisht ia dorëzon atë Eqrem Kryeziut (kryetarit të atëhershëm të Prizrenit).
Pa dyshim se, sikur edhe na doli në praktikë, LDK-ja në atë kohë në pushtet, nuk e kishte marrë këtë vendim pse sinqerisht e donte një universitet për Prizrenin, por duke menduar se një veprim kësisoj do t’u siguroj fitore në zgjedhjet qendrore e komunale që atëkohë ishin në prag. Çka ndodhi me këtë premtim, dihet! Edhe me rezultatin e zgjedhjeve, po ashtu!. Prej atëherë Prizreni nuk pati një Universitet, por vetëm një shoqatë që do të lobonte për bërjen e Prizrenit me Universitet, ndërsa, LDK-ja, pas 7 viteve në pushtet, kaloj në opozitë. Pra, prizrenasit nuk e kafshuan këtë karrem.
Andaj, frika dhe dyshimi i arsyeshëm i tyre nuk ndalon këtu. Sepse, edhe vendimi i tashëm i qeverisë së Hashim Thaçit për themelimin e Universitetit në Prizren, bëhet pikërisht në prag të zgjedhjeve. Duke pas për bazë këtë realitet, me parashikimet e tyre të “mbrapshta”, disa “gojëkëqij” të çarshisë, edhe me këtë rast shohin një analogji të njëjtë:”Rrejtën ata, po rren edhe këta”. Ose, sipas asaj popullore: “Ne hëngsh be daj, mos e hangsh, asgjë kurrkujt”?
Sido që të jetë, meqenëse kësaj radhe bëhet fjalë për një vendim të qeverisë, duam të besojmë se kjo edhe do të ndodh duke mos mbetur sikur premtimi i para dy viteve i LDK-së.
Jashtë fjalëve të “çarshisë” të cilat zakonisht kurrë dhe në asnjë vend nuk ndalen, janë edhe disa indicije të bazuara që na bëjnë edhe në këtë vendim të fundit të qeverisë të dyshojmë. Sepse, nuk kaloj as një ditë nga njoftimi zyrtar i këtij lajmi, hapësirat e shumë billbordeve reklamuese në Prizren, veç ishin të mbushura me fotografitë e Hashim Thaçit, dhe kryetarit të Komunës Ramadan Muja. Aty mund të lexosh fjalinë falënderuese të Ramadan Mujës bërë kryeministrit dhe sloganin “Prizreni qytet me universitet”.
Nga ana tjetër, një javë nga marrja zyrtare e këtij vendimi, ministri i arsimit Enver Hoxhaj e kishte vizituar Prizrenin. I pyetur nga gazetari i TV “Opinion:-it se mos janë ato fjalë që dëgjohen kinse për hapjen e një universiteti pjesë e propagandës për të fituar vota, ai, në praninë edhe të kryetarit të komunës Ramadan Muja, mes tjerash ishte përgjigjur: “Personalisht në këto çështje nuk jam emocional sepse për realizimin e saj duhet mjaftë kohë dhe përgatitje të gjata profesionale. Universitetet në një shtet (serioz v.a.) nuk munden të formohen aq lehtë dhe vetëm përmes vendimeve ministrore, por ato themelohen me ligj”.
Me sa shihet nga ky prononcim i ministrit Hoxhaj, as aji vetë nuk na paska ditë se shefi i tij Hashim Thaçi do ta merr aq shpejtë këtë vendim “serioz” edhe pa ligj. Ta përsëris edhe një herë: kjo deklaratë publike e ministrit të Arsimit jepet vetëm një javë para marrjes zyrtare të këtij vendimi të Qeverisë së Kosovës për themelimin e Universitetit të Prizrenit?!!
Sido që të jetë, pse ne jemi “djegur nga tëmbli, e tani i fryjmë edhe kosit”, nuk na ka faj askush. Kryesorja është se, më në fund, Qeveria e Republikës së Kosovë vendosi që të themelojë edhe një universitet tjetër publik në Kosovë – “Universitetin e Prizrenit”, në përbërje të të cilit do të jenë shtatë fakultete: Fakulteti Juridik, Ekonomik, i Edukimit, i Filologjisë, Fakulteti Filozofik dhe me mundësi që në të ardhmen të themelohet edhe Fakulteti i Kulturës Fizike dhe ai i Arteve.
Fundja, së paku formalisht , tani Prizreni u bë me dy Universitete: një e ka pasur para dy viteve në letër – atë të LDK-së, tashti e ka të dytën, po ashtu ende në letër – atë të PDK-së…?!
Promo
Reklamo këtuLufta Prigozhin - Putin
Më shumëPublikohen pamjet e momentit të atentatit ndaj kryeministrit sllovak
QUINT-i dhe BE-ja reaguan për moslejimin e vizitës së tij, Musliu publikon deklaratën e partiarkut serb ku dezinformon rreth Kosovës
Njeriu që kreu atentatin ndaj Robert Ficos dyshohet se është shkrimtari i famshëm sllovak
Bislimi e cilëson të dështuar takimin për dinarin në Bruksel
Atentati ndaj kryeministrit sllovak – momenti kur ai i plagosur futet në makinë dhe i arrestimit të të dyshuarit
Kryeministri sllovak është në gjendje të rëndë shëndetësore pas atentatit ndaj tij
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Guardiolan sa nuk e lëshoi zemra kur Heung-Min Son doli përballë Ortegas në shansin e madh të huqur nga koreani
“Më besoni, Mbappe nuk do t’i bashkohet Real Madridit” – iShowSpeed tregon se ku do të shkojë francezi
Rrëfimi i gruas që pretendon se nuk ka ngrënë apo pirë asgjë për më shumë se 16 vjet
Tre kartonë të kuq ndaj ekipit kundërshtar për t'ia siguruar titullin skuadrës së tij - gjyqtari holandez përjashtohet përjetësisht nga futbolli
Sport1: A po ndodh diçka e paimagjinueshme te Bayerni?
Julian Deda - finalisti i dytë i Big Brother VIP Albania 3