Pasuria e Lionel Messit vlerësohet 400 milionë euro: Superylli i Barcelonës aktualisht paguhet 102 milionë euro në vit

Lionel Messi ka ndërtuar një pasuri të pabesueshme gjatë viteve, pasi paguhet jashtëzakonisht shumë si futbollist, ndërsa të ardhura marramendëse ka edhe nga reklamimet.

Ylli i Barcelonës ka ndërtuar një karrierë të shquara si futbollist dhe shihet si prej më të mirëve në histori.

Messi e ka ndihmuar klubin katalanas për 10 tituj në La Liga dhe katër trofe të Ligës së Kampionëve, plus tituj të tjerë vendor dhe botërorë.

Paga e tij është rritur vazhdimisht gjatë viteve, duke e mbajtur atë në Camp Nou gjatë gjithë karrierës së tij.

Lexo po ashtu Të gjitha lajmet nga Lionel Messi

Kontrata e tanishme e Messit është valide deri në verën e vitit 2021, por Barcelona tashmë po punon për një marrëveshje të re.

Presidenti i Barcës, Josep Maria Bartomeu, dëshiron që sulmuesi të jetë përgjithmonë i lidhur me klubin.

“Ne do të dëshironim të ripërtërinim kontratën e tij, kjo është ideja. Ai është i ri dhe ai ende ka dy vjet në marrëveshjen e tij. Messi është një njeri me një klub, është më shumë sesa ajo që ai bën në fushë, marrëdhëniet e tij me Barcën do të zgjasin përgjithmonë, unë e përdor shembullin e Peles, i cili ishte gjithnjë në Santosin. Dëshirojmë që Messi të jetë gjithmonë në Barcelonën”, kishte thënë Bartomeu.

Pagat e Lionel Messit

L’Equipe raportoi në fillim të këtij viti se Messi merr 7.3 milionë funte në muaj (8.5 milionë euro në muaj).

Kjo i bie se ai merr aktualisht rreth 1.7 milion funte në javë (2 milionë euro), ose 87.6 milionë funte në vit (102 milionë euro).

Shifrat e dhëna përfshijnë shpërblime (bonuset) dhe parat tjera që vijnë nga reklamat që ai bënë e janë llogaritur si pagë bazë e Messit, shkruan Express Sport.

Lexo po ashtu Messi magjik 600 gola me Barcelonën

I njëjti raportim thotë se ylli i Juventusit, Cristiano Ronaldo është lojtari i dytë më i paguar në botë me 4.1 milionë funte në muaj.

Vlera e pasurisë së  Lionel Messit 

Të ardhurat e jashtëzakonshme mujore të Messit janë rritur më edhe më shumë nga një gamë e gjerë sponsorizimesh dhe përkrahjesh.

Ai është pjesë e reklamave të Adidas, Pepsi dhe Konami për marketingun e tyre sportivë.

https://www.instagram.com/p/BXk8D3kleSI/?utm_source=ig_embed

Sumuesi i Barcelonës ka qenë edhe fytyra e kompanive globale si Gillette, Turkish Airlines dhe Tata Motors.

Lexo po ashtu Pasuria e Messit, rivaliteti i sponsorëve me CR7, shtëpia dhe koleksioni i veturave (Foto)

Në përgjithësi, vlera neto e pasurisë së Messit vlerësohet rreth 310 milionë funte (361 milionë euro / 400 milionë dollarë), sipas Celebrity Net Worth.

https://www.instagram.com/p/BiG791AhD4u/?utm_source=ig_embed

Duhet cekur se pagat e argjentinasit në të shkuarën nuk kanë qen kaq të larta.  /Telegrafi/