Shaip Selmani nga Ladorishti, i cili ka trashëgim një mulli që është trashëguar nga njëri brez në tjetrin prej më shumë se 200 vjetësh, ka përkrahur iniciativën e djalit të tij, Azizit, që këtë pasuri të çmuar familjare ta shndërrojë në një vend takimi, por këtë radhë jo për të bluar drithin, por për të provuar kuzhinën tradicionale shqiptare të Ladorishtit
Dikur në Ladorisht kishte më shumë se 12 mullinj, të cilët përveç se flisnin për një status më të mirë social, ishin një garanci më shumë se familja nuk do të vuajë për bukën e gojës. Tashmë ajo kohë ka kaluar dhe industrializimi edhe në këtë sektor ka determinuar një zhvillim tjetër ku fabrikat e reja të prodhimit të miellit nxorën gradualisht nga përdorimi mullinjtë e vjetër që viheshin në funksion nga rrjedhja e ujit.
Shaip Selmani nga Ladorishti, i cili ka trashëgim një mulli që është trashëguar nga njëri brez në tjetrin prej më shumë se 200 vjetësh në fshatin Ladorisht, ka përkrahur iniciativën e djalit të tij, Azizit, që këtë pasuri të çmuar familjare ta shndërrojë në një vend takimi, por këtë radhë jo për të bluar drithin, por për të provuar kuzhinën tradicionale shqiptare të Ladorishtit. “Mulliri i Patit”, siç e kanë pagëzuar Murllirin që tashmë po bëhet restorant do të startojë me punë në shtator, pasi gjithçka të finalizohet sipas projektit që po zbatohet aty. Shaipi Selmani, tregon se Ladorishti ka qenë një nga lokalitetet që ka pasur shumë mullinj që jo më shumë se pesëdhjetë vjetësh kanë qenë për kohën, siç janë fabrikat sot. Ai thekson se ”Mulliri i Patit” që është emërtuar me këtë emër sipas gjyshit të tij, ka punuar me kapacitet të plotë deri në vitin 1971 dhe pas këtij viti ka punuar vetëm për nevojat familjare.
Selmani potencon se dikur puna në mulli ishte aq e paguar sa për të blerë një thes miell të bardh, do të duhej të punoje një muaj të tërë. Pjesa më e madhe e banorëve, sipas tij. në pjesën më të madhe përdornin bukën e misrit, sepse ajo nga gruri ishte një luks për kohën, nënvizon 72 vjeçari nga Ladorishti. Ai edhe pse nuk është shumë i sigurt në këtë drejtim ka mbështetur iniciativën që Mulliri i vjetër qindvjeçar nga ana e djalit dhe nipit të tij të bëhet një restorant tipik i kuzhinës shqiptare. Azisi Selmani, i cili është bartës i kësaj ideja të pazakontë, thekson se “Mulliri i Patit” do të jetë një vend ku përveç specialiteteve që i ofron zona e Ladorishtit, ato tradicionale, do të jetë një vendtakimi për gjithë banorët e kësaj pjese të Strugës. Pse jo, sipas tij, “Mulliri i Patit” sipas tij mund të shërbejë edhe si një njohje e turistëve të shumtë që vizitojnë Strugën me kuzhinën shqiptare të zonës së Strugës, duke filluar si nga prodhimet e shumta të brumit dhe mënyrave të ndryshme në përgatitjen e mishit dhe sallatave.
“Ne synojmë që “Mulliri i Patiti” të jetë një atraksion jo vetëm për banorët e këtushëm, por edhe për turistët që do të kenë mundësi të njihen me diçka ndryshe, diçka burimore tradicionale shqiptare. Nëse gjithçka shkon sipas parashikimeve “Mulliri i Patit” do të jetë gati me gjasë në shtator”, përfundon ai për Koha.mk.
Ladorishti numëron rreth 1200 shtëpi me mbi 4500 banorë, por për nga rëndësia dhe ndikimi padyshim është një nga lokalitetet më të rëndësishme të Strugës, si për të kaluarën historike ashtu edhe për të tashmen. Po në Ladorisht ndodhet një nga trashëgimitë materiale më të vjetra në zonën e Strugës, siç është Bazilika e cila fare mirë mund të ishte një atraksion turistik në rast se do të punohej nga shteti dhe organet e tjera më shumë në këtë drejtim.
Bazilika e Ladorishtit shtrihet në një hapësirë që kap një sipërfaqe prej 700 metra katrorë dhe daton nga shekulli IV dhe fillimi i shekullit V të erës sonë. Dimensionet e kësaj Bazilike janë lindje-perëndim 26.30 dhe veri-jug 27 metra katrorë, me të gjitha ambientet për nevoja të funksionimit të saj. Sipërfaqja, mozaiku dhe ambientet e kësaj bazilike janë dëshmi për një civilizim dhe qytetërim të popullatës së kësaj ane në shekuj dhe deri në ditët e sotme. Vetë madhësia e Bazilikës, sipas arkeologëve, dëshmon se në këtë vend ka pasur një megapolis që tregon për një të kaluar të ndritshme të kësaj ane./Telegrafi/
Promo
Reklamo këtuLufta Prigozhin - Putin
Më shumëNga Rubrika
Analistët: Pahor e njeh rajonin, por si emisar i BE-së s’mund ta “transformojë” dialogun
Ish-ambasadori i Shqipërisë në Kosovë: Asociacioni, kusht që nuk lidhet me Këshillin e Evropës
Gjatë luftës në Kosovë, nana e ktheu fëmijën që po qante drejt kamerës e i tha: Bija e nanës tregoji botës se çka po na bëjnë!
Alarmoi drejtori i Antikorrupsionit, deputeti Basha kërkon të hetohet rasti i politikanit që fshehu 5 milionë euro në bankën e Zvicrës
Gjatë luftës në Kosovë, nana e ktheu fëmijën që po qante drejt kamerës e i tha: Bija e nanës tregoji botës se çka po na bëjnë!
Momenti kur Edi Rama u përkulet shqiptarëve në Greqi
Nesër takohen Kurti e Krasniqi, në tavolinë dy tema
Analistët: Pahor e njeh rajonin, por si emisar i BE-së s'mund ta "transformojë" dialogun
Ish-ambasadori i Shqipërisë në Kosovë: Asociacioni, kusht që nuk lidhet me Këshillin e Evropës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Pamjet tregojnë ‘Old Trafford’ drejt shkatërrimit – Ronaldo kishte të drejtë kur foli për kushtet e klubit
Gjatë luftës në Kosovë, nana e ktheu fëmijën që po qante drejt kamerës e i tha: Bija e nanës tregoji botës se çka po na bëjnë!
Wayne Rooney zbulon skandalin e lojtarëve të Man United - nëse vërtetohet do ketë pasoja
Ish-ylli i Liverpoolit zbulon trajnerin e ardhshëm të Man United – thotë se ia tregoi një lojtar aktual i tyre
Alarmoi drejtori i Antikorrupsionit, deputeti Basha kërkon të hetohet rasti i politikanit që fshehu 5 milionë euro në bankën e Zvicrës
Gjermania po e jep falas këtë vilë gjigante, por ka një problem: Sapo përmendet ish-pronari, askush nuk e dëshiron