Në debutimin e parë në një skenë teatrale londineze, mjeshtri i skenës shqiptare, Mirush Kabashi interpretoi me një nivel shumë të lartë artistik monodramën “Apologjia e vërtetë e Sokratit”.
Në shfaqjen e dhënë në teatrin e Londrës “King’s Place”, në një sallë të tejmbushur nga diplomatë të huaj të akredituar në Londër, artdashës anglezë dhe shqiptaro-britanikë, aktori i mirënjohur shqiptar përçoi tek publiku vlerat e një interpretimi mjeshtëror artistik dhe forcën e fjalës shqipe në skenë.
Pas shfaqjes Mirush Kabashi tha për Top-Channel se ndihej krenar dhe i privilegjuar që kishte interpretuar në një skenë teatrale londineze, pasi siç u shpreh ai, Londra është Londër, metropol i artit dhe vendi i Shekspirit të madh.
"Shfaqja edhe mua më pëlqeu shumë sepse nuk mund të kuptohet mbarëvajtja e një shfaqjeje pa spektatorin. Niveli i spektatorit është jashtëzakonisht i rëndësishëm në mbarëvajtjen e një shfaqjeje, pasi aktori kërkon të japë më të mirën, të pasyrojë ose komunikojë dhe përcjellë jo vetëm mesazhe. Këtu me të vërtetë qe një ambjent i tillë, prandaj është Londër", u shpreh Kabashi.
"Apologjia e Vërtetë e Sokratit" u organizua nën kujdesin e Ambasadës Shqiptare në Britani dhe me sponsorizimin e disa biznesmenëve shqiptarë në Londër. Ambasadori Mal Berisha, duke folur pas shfaqjes tha se, arti dhe kultura shqiptare janë të një cilësie dhe një niveli evropian dhe botëror.
"Ndoshta gjëja me të cilën ne e bindim më shumë Evropën që jemi njerëz që i takojmë këtij kontinenti është arti dhe kultura. Sonte pamë një shfaqje e cila ka dinjitetin e duhur për t’u performuar në çdo sallë presitigjioze të botës, siç është kjo këtu sonte", tha ambasadori Berisha.
Në shfaqjen e dhënë në teatrin e Londrës "King’s Place" të pranishmit e huaj e ndiqnin përmbajtjen e monodramës njëkohësisht përmes titrave në anglisht, çka mundësoi që publiku anglez të shijonte përmes mjeshtërisë artistike të aktorit Mirush Kabashi këtë vepër të fuqishme të antikitetit, me një aktualitet absolut të kohës që jetojmë. /TCH/
Promo
Reklamo këtu
Nga PlanB
Nga Telegrafi Jobs
Nga CITY College
Lufta Prigozhin - Putin
Më shumë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Meç i madh i boksit mes Tyson Fury dhe Oleksandr Usyk - detajet minutë pas minute
Demografia evropiane - cili shtet ka natalitetin më të lartë dhe ku qëndron Kosova?
Mospërfshirja e Kosovës në agjendën e Komitetit të Ministrave të KiE, reagime të ashpra ta deputetëve gjermanë – kritikojnë qeverinë e tyre
“Vuçiq paguan paraprakisht në rast të fitores së Trumpit”, mediat botërore shkruajnë se si dhëndrit të ish-presidentit amerikan iu shit ndërtesa e Shtabit të Ushtrisë Serbe
Gjithçka çfarë duhet të dini për meçi mes Tyson Fury dhe Oleksandr Usyk: Koha, titujt, rekordet dhe pesha e tyre
Projekti më i mirë, Piramida e Tiranës fiton çmimin e madh për Evropën Juglindore