Messi rrezikon të suspendohet nga FIFA në rast mosmarrëveshje me Barcelonën

Lionel Messi po rrezikon një suspendim nga FIFA nëse përpiqet të largohet nga Barcelona kundër vullnetit të skuadrës. Messi dorëzoi një kërkesë zyrtare të largimit më 25 gusht dhe po përpiqet të largohet nga klubi si lojtar i lirë.

Saga e largimit të Messit po vazhdon çdo ditë e me intensitet të lartë, që kur ai dorëzoi kërkesën e tij zyrtare të largimit në mbrëmjen e 25 gushtit, ku kanë dalë shumë histori në lidhje me largimin e tij nga Camp Nou.

Me momentin që Messi ka ende një vit në marrëveshjen e tij të tanishme, Barca kërkon që klubet e interesuara për transferimin e tij ta paguajnë klauzolën e tij të lirimit prej 700 milionë eurosh.

Lexo po ashtu Fraza e saktë e përdorur nga Ronald Koeman që irritoi dhe nxiti kërkesën e Messit për t’u larguar nga Barcelona

Sidoqoftë, ylli argjentinas po përpiqet ta largojë këtë klauzolë dhe të përfundojë kontratën e tij nga FIFA.

Nick De Marco, i cili ka përfaqësuar organet drejtuese të sportit, lojtarët, klubet dhe agjentët që nga viti 2002, thotë se organi drejtues i futbollit botëror ka të ngjarë të kërkohet të zgjidhë çdo mosmarrëveshje në radhë të parë.

🗣 "If the club brings a claim and succeeds, not only is the player liable for damages. He is likely to be banned for months and the new club would have a transfer embargo"

Sports lawyer @nickdemarco_ on whether Lionel Messi could face a ban from FIFA pic.twitter.com/K5uGgLptPX

— Football Daily (@footballdaily) August 27, 2020

“Nëse do të përfundonte kudo, do të ishte më e mundshme në dhomën e zgjidhjes së mosmarrëveshjeve të FIFA-s, sepse Messi, duke qenë argjentinas, rregullat e FIFA-s do të zbatoheshin, dhe FIFA ka ligjet dhe rregullat e veta”, ka thënë fillimisht De Marco për Sport Sky.

“Pra, nuk ka gjasa të jetë ligji spanjoll ose ligji anglez ose ligji zviceran, por do të ishin rregullat e FIFA-s që zbatohen, dhe ata kanë një komision që mund t’i përcaktojë këto gjëra”.

“Në fund të fundit, secila palë mund të apelojë në Gjykatën e Arbitrazhit për Sport. Kështu janë trajtuar zakonisht këto lloj çështjesh”.

“Një mundësi, e cila nuk është ajo që unë këshilloj, është një lojtar thjesht të thotë: ‘Unë kam të drejtë të largohem, kështu që unë po largohem’”.

Lexo po ashtu Bartomeu i gatshëm të japë dorëheqje nga posti i presidentit nëse Messi pranon të qëndrojë në Barcelona

“Rreziku me atë strategji është, se FIFA normalisht do të lejojë regjistrimin e lojtarit, por nëse klubi sjell një kërkesë dhe ia del mbanë, jo vetëm që lojtari është përgjegjës për të paguar dëmet, por gjithashtu ka të ngjarë të suspendohet nën Rregullat e FIFA-s për një periudhë disa muajsh dhe klubi i ri që e nënshkruan atë ka një ndalës transferimi”.

“Është një strategji shumë e rrezikshme që, përveç nëse do të ishit i sigurt se lojtari ishte në rregull, nuk është një rrezik që do të merrte”, përfundoi De Marco. /Telegrafi/