Lewandowski dëshiron të nënshkruajë për Barcelonën

Sulmuesi i Bayern Munich, Robert Lewandowski dëshiron t’i bashkohet Barcelonës këtë afat kalimtar veror.

Sipas gazetës Sport, Lewandowski po mendon të ardhmen e tij te Bayerni dhe polaku dëshiron të nënshkruajë për Barcelonën.

Agjenti i ylli polak, Pini Zahavi, gëzon një marrëdhënie të mirë me presidentin e Barcelonës, Joan Laporta dhe duket se koha e Lewandowskit te Bavarezët mund të ketë mbaruar.

Lewandowski ka menduar të ndjekë një ndryshim prej disa kohësh dhe Bayern po zvarritet për rinovimin e kontratës së tij; kontrata e të cilit skadon në verën e vitit 2023.

Barcelona me sa duket është e gatshme t’i ofrojë Lewandowskit një kontratë që do të zgjasë deri në vitin 2026. Edhe pse Pierre-Emerick Aubameyang është duke shkëlqyer, ata ende duan të rekrutojnë emra të rinj për qendrën e sulmit.

Sulmuesi polak është një makinë golash, pasi deri më tani këtë sezon ai ka shënuar 45 gola në 37 paraqitje në të gjitha garat.

Gjatë gjithë kohës së tij në Bavari ai ka shënuar 339 gola në 366 paraqitje në të gjitha garat, duke fituar gjithçka që ka për të fituar. Ai gjithashtu ka shënuar 74 gola në 128 paraqitje për ekipin kombëtar polak. /Telegrafi/

Bayern Munich striker Lewandowski wants to sign for Barcelona! https://t.co/xakWRpk1Z9

— SPORT English (@Sport_EN) March 24, 2022