Shkrimtari i madh i letrave shqipe, Ismail Kadare është nderuar në Tiranë me çmimin special “Jeronim De Rada”.
Çmimi iu dorëzua nga ambasadori italian, Masimo Gajani, në ditën e katërt të “Panairit të Librit 2014”.
Ky çmim erdhi këtë vit për të kujtuar veprën letrare të poetit të madh Jeronim De Rada në 200 vjetorin e lindjes së tij.
Shkrimtari Kadare u shpreh se ndihej i nderuar dhe i prekur për çmimin e marrë, duke vlerësuar figurën e De Radës si gjeniun e parë të Rilindjes dhe profet i të ardhmes së Shqipërisë.
“Të dashur lexues, unë jam i gëzuar dhe jam i nderuar edhe i prekur për këtë çmim që mban emrin e gjeniut të parë të Rilindjes Kombëtare Shqiptare, poetit që e ndihmoi të lindte Rilindja, që u bë paraardhësi i asaj drite të madhe që zbuloi në atë kohë Shqipërinë, kur në fakt ajo ishte në muzgun e saj. Kam kënaqësinë pra të marr çmimin që mban emrin e këtij gjeniu i cili riktheu letërsinë shqipe në orientimin e saj evropian që ajo ishte duke e humbur. Pra, ky ishte poeti i madh gjeniu i letrave dhe një profet i të ardhmes së Shqipërisë”, është shprehur Kadare, transmeton Kosovapress.
Ismail Kadare nuk harroi të shprehte edhe vlerësimin e tij për Italinë, si një vend mik prej shekujsh që nga koha e poetit të madh, Jeronim de Rada, kohë kur arbëreshët e ikur në Itali jo vetëm që u ndjenë si në atdheun e tyre por qenë të lirë të bënin art e ta trashëgonin ndër shekuj deri në ditët e sotme.
Për dy orë me radhë shkrimtari Kadare është rrethuar nga qindra lexues të librave të tij që e uruan për çmimin dhe kërkonin të merrnin një autograf si kujtim prej tij.
Panairi i librit këtë të shtunë priti qindra vizitorë nga gjithë Shqipëria. Si asnjë ditë më parë nuk ishin parë kaq shumë njerëz që blinin libra në Panair. Nesër është dita e fundit e Panairit 2014, kur pritet të bëhet edhe një bilanc nga ana e organizatorëve mbi numrin e vizitorëve dhe librave të shitur këtë vit.
Deri më tani rezultojnë si librat më të shitur romani “Mjegullat e Tiranës” e Ismail Kadaresë dhe ‘Ahmet Zogu’, i Blendi Fevziut. /Telegrafi/
Promo
Reklamo këtuLufta Prigozhin - Putin
Më shumëInvestoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Meç i madh i boksit mes Tyson Fury dhe Oleksandr Usyk - detajet minutë pas minute
Demografia evropiane - cili shtet ka natalitetin më të lartë dhe ku qëndron Kosova?
Mospërfshirja e Kosovës në agjendën e Komitetit të Ministrave të KiE, reagime të ashpra ta deputetëve gjermanë – kritikojnë qeverinë e tyre
“Vuçiq paguan paraprakisht në rast të fitores së Trumpit”, mediat botërore shkruajnë se si dhëndrit të ish-presidentit amerikan iu shit ndërtesa e Shtabit të Ushtrisë Serbe
Gjithçka çfarë duhet të dini për meçi mes Tyson Fury dhe Oleksandr Usyk: Koha, titujt, rekordet dhe pesha e tyre
Projekti më i mirë, Piramida e Tiranës fiton çmimin e madh për Evropën Juglindore