Juventusi interesohet për Modricin

Pas interesimit të Interit gjatë verës, tani Juventusi raportohet se i është afruar mesfushorit të Real Madridit, Luka Modric.

Kontrata e reprezentuesit të Kroacisë do të përfundojë në qershor të vitit 2020 dhe ai nuk duket se synon të nënshkruajë një zgjatje të saj.

Situata e tij ka bërë që Modric të jetë cak i skuadrave të mëdha evropiane, në veçanti i atyre italiane.

Lexo po ashtu Fansat e UEFA-s zgjedhin ekipin e vitit 2018, nuk mungojnë yje si Modric, Messi dhe Ronaldo

Sipas mediumit Sport Mediaset, Juventusi ka bërë disa hetime fillestare për situatën e fituesit të Topit të Artë.

Real Madridi tashmë ishte i inatosur që Interi ishte hapur ndaj Modricit, kështu që ideja se Juventusi është në veprim, padyshim se do të shkaktojë fërkime të mëtejshme.

Mbretërit u përpoqën të raportonin Interin te FIFA për një qasje të paligjshme, por Nerazzurët dolën të pastër në këtë situatë.

Lexo po ashtu Interi nuk heqë dorë nga 'ëndrra' Modric

Juventusi tashmë e ka irrituar Real Madridin duke siguruar Cristiano Ronaldo për pak më shumë se 100 milionë euro dhe gjigantët e Torinos po synojnë gjithashtu Iscon.

Vera e këtij viti pritet të jetë e nxehtë për të ardhmen e yllit kroat, i cili me shumë mundësi do ta ndryshojë kampionatin. /Telegrafi/