Juventus ka shpenzuar 60 milionë euro për Koopmeiners, por ai është ende larg nga ‘i vërteti’ – faji bie gjithashtu tek Thiago Motta

Kush është Teun Koopmeiners? Pyetja lind spontanisht. Dhe ajo merr akoma më shumë forcë pasi mes tifozëve të Juventusit ka zhgënjim nga Superkupa e Italisë, ku holandezi ishte i zhdukur në gjysmëfinale ndaj Milanit.

Mesfushori është – ende larg atij që u shfaq në qendër të skenës në Atalanta për vite me radhë, duke bindur Juventusin të shpenzojë pothuajse 60 milionë euro dhe të marrë peshën e negociatave rraskapitëse që zgjatën për muaj.

Marrëveshja u arrit në vijën e finishit, pasi edhe lojtari tregoi mbi të gjitha një vullnet të hekurt për t’u transferuar në Torino, duke zgjedhur qëllimisht të mos stërvitej më në Bergamo, ku edhe paraqiti një certifikatë mjekësore.

Të gjitha këto nuk janë parë ende në fushën e lojës, ku Koopmeiners ka 21 paraqitje për Juventusin (gjithsej 1627 minuta) dhe ka me vetëm dy gola dhe tre asistime.

Për të komplikuar procesin e tij të adaptimit – tashmë i ngadalësuar, luajti rol edhe një dëmtim duke e lënë jashtë fushave, ku holandezi kishte një frakturë në brinjë që e mori në fillim të tetorit, gjë që e detyroi të qëndronte jashtë për njëzet ditë.

Me pak fjalë, Koopmeiners “i vërtetë” nuk është parë ende te Juventusi. Dhe dyshimi tani është se një pjesë pak a shumë e madhe e përgjegjësisë mund t’i atribuohet edhe trajnerit Thiago Motta, i cili deri më tani e ka përdorur pothuajse gjithmonë si mesfushor sulmues, pas qendërsulmuesit në formacionin 4-2-3-1.

Në thelb asnjëherë në rolin e mesfushorit, apo më larg zonës kundërshtare, ku te Atalanta në fakt nga ajo pozitë gjente më shumë hapësirë për t’iu afruar portës kundërshtare dhe për t’u bërë i rrezikshëm, në mënyrë më të pavarur ose së bashku me shokët e tij të skuadrës.

Një keqkuptim taktik, i kombinuar edhe me një gjendje fizike që ndoshta ende nuk është e shkëlqyer, po e privon Juventusin të marr më të mirën në një nga blerjet më të rëndësishme (së bashku me Douglas Luiz) nga afati i verës.

Një lojtar i lakmuar prej kohësh, i cili, me fillimin e janarit, duket ende larg nga 100 për qindëshi.

Kur do të shihet Teun “i vjetër” me fanellën bardh e zi, mbetet të shihet, por tashmë situata nuk është e qetë, me Thiago Mottan që a filluar t’i marr kritikat për ndeshjet pa fitore. /Telegrafi/