“Interi ka fuçi të madhe financiare, mund ta transferojnë edhe Messin”

Ish-legjenda e Interit, Sandro Mazzola thotë se skuadra duhet të mburret me fuqinë e tyre financiare, pasi mund të nënshkruajnë edhe Lionel Messin nga Barcelona.

Ka pasur spekulime për disa muaj që skuadra nga Serie A, e financuar nga pronarët e grupit kinez, Suning Holdings, mund të përpiqet të nënshkruajë me Messin, me një ofertë mahnitëse gjatë transferimeve në fund të sezonit.

Lexo po ashtu Messi i ka kërkuar vetëm një futbollisti fanellën në fund të ndeshjes, ai është legjenda e Realit

Ish-presidenti i Interit, Massimo Moratti tha në janar se klubi planifikon të nënshkruajë një superyll global para sezonit të ardhshëm, edhe pse ai refuzoi sugjerimin se Messi është objektivi i tyre kryesor.

Por Mazzola, një kampion i dyfishtë evropian dhe pjesë e Interit të famshëm të viteve të 60-ta, beson se mbështetja e Suning e bën Messin në San Siro një perspektivë shumë reale, transmeton Telegrafi.

Lexo po ashtu Interi përgatit eksodin e futbollistëve drejt Ligës Premier

“Suning kanë forcën për të marrë atë që duan, përfshirë edhe Messin”, ka thënë Mazzola për “Il Mattinos”.

Ndryshe, Messi është një ëndërr e kamotshme e Nerazzurrëve, pasi ka pasur zëra që Moratti ka bërë ofertë zyrtare drejt Messit në vitin 2008, kur ishte 100 vjetori i themelimit të Interit. /Telegrafi/