Historia e zonjës së hekurt Ferdonije Qerkezi, premtohet riparimi i shtëpisë pasi vërshimet ia dëmtuan  

Reshjet e mëdha të shiut kanë shkaktuar vërshime në disa pjesë të Kosovës. E nga reshjet e mëdha, uji ka depërtuar edhe në shtëpinë muze të Ferdonije Qerkezit nga Gjakova, e cila në luftën e Kosovës ka të vrarë bashkëshortin dhe katër djemtë

Qerkezi në një deklaratë për RTV Dukagjinin ka rrëfyer historinë e saj të dhimbshme.

Ajo ka rrëfyer momentin kur i janë marrë djemtë.

“Ky Dragani më tha a po më njeh… unë i kam marr djemtë i kom qu deri në Polici, e çfarë kanë ba policët unë nuk di gjë”.

Lexo po ashtu “Radar” dhe “Bashkimi Projekt” në mbështetje të zonjës së hekurt Ferdonije Qerkezi

“Prej tetë anëtarëve me mbet vetëm është bajagi e vështirë, po ndihma e Zotit po më mban, po ma ruan mendje dhe forcën”, shprehet nëna Ferdonije.

Ajo më tej thotë se i sheh edhe në ëndërr dhe se ka vendosur deri në frymën të jetojë në shtëpinë, që tashmë është shndërruar në muze.

Ndërsa, nga Radar bashkë me Bashkimi Projekt u tha se do të jenë pranë saj deri në frymën e fundit, për kujdestare, barna, renovim të shtëpisë dhe për gjithçka që do të ketë nevojë. /Telegrafi/