LAJMI I FUNDIT:

Haziri: LDK e ka bërë të qartë, ose një marrëveshje të balancuar me Vetëvendosjen ose ne në opozitë

Haziri: LDK e ka bërë të qartë, ose një marrëveshje të balancuar me Vetëvendosjen ose ne në opozitë
Lutfi Haziri, nënkryetar i LDK-së ( Foto: Lutfi Haziri/Facebook)

Kanë mbetur edhe katër ditë kur mandatari i propozuar, lideri i Lëvizjes Vetëvendosje, Albin Kurti duhet të paraqesë para presidentit Hashim Thaçi se a e ka siguruar shumicën parlamentare për të krijuar qeverinë e re të Republikës së Kosovës.

Nënkryetari i Lidhjes Demokratike të Kosovës, Lutfi Haziri në një intervistë për Telegrafin, ka shtuar se LDK-ja duhet ta udhëheqë Kuvendin e Kosovës si balancim i ndarjes së pozitave kushtetuese dhe për një marrëveshje të balancuar.

Haziri në këtë intervistë me kryeredaktorin Muhamet Hajrullahu ka thënë se ka një angazhim të përbashkët për arritjen e një marrëveshjeje, për shkak se të dy partitë nuk kanë opsion tjetër.


Telegrafi: z. Haziri më 4 shkurt kalon afati i mandatarit të Lëvizjes Vetëvendosje, z. Albin Kurti, a pritet të ketë koalicion me LDK-në deri atëherë?

Lutfi Haziri: Natyrisht që LDK është angazhuar në biseda aktive në nivel liderësh dhe grupeve punuese për arritjen e një marrëveshjeje. Tashmë, në pako, marrëveshja si e tillë është finalizuar, përveç te ndarja e përgjegjësive kushtetuese. Përderisa LVV e udhëheq qeverinë dhe z. Kurti është kryeministër një ardhje, ne shpresojmë që ata ta kuptojnë që roli i LDK-së në udhëheqjen e Kuvendit në vitin e parë të qeverisjes është përfaqësim i drejtë dhe është marrëveshje e balancuar për ta finalizuar një bashkëpunim më afatgjatë me Vetëvendosjen, nesër.

Telegrafi: A ka pasur takime mes LDK-së e LVV-së pas takimit ku ishin edhe ambasadorët e shteteve të QUINT-it?

Lutfi Haziri: Ai ka qenë takimi i fundit, por komunikimi mes liderëve është i rregullt dhe ky komunikim është në funksion të arritjes së marrëveshjes. Jo gjithmonë, takimet formale dhe kthimi në tavolinën e bisedimeve është ajo që i zgjidh problemet, por komunikimi mes dy liderëve nuk ka munguar asnjëherë. Unë besoj që do të jetë rruga më e shkurtër dhe më e drejtë për arritjen e marrëveshjes.

Telegrafi: A mund të dështojë koalicioni me LVV-në dhe pse?

Lutfi Haziri: Është opsion shumë pesimist dështimi. Unë besoj që angazhimi ynë i përbashkët është për arritjen e një marrëveshje, për shkak se të dy partitë nuk kanë opsion tjetër dhe nuk ka plan kontingjent në asnjë mënyrë. LDK e ka bërë të qartë: ose një marrëveshje me Vetëvendosjen ose ne kalojmë në opozitë.

Telegrafi: Çka nëse nuk ndodh ky koalicion, zgjedhje të reja apo marrëveshje të tjera politike?

Lutfi Haziri: Asnjë opsion tjetër nuk është i qëndrueshëm dhe nuk është afatgjatë. Arritja e një marrëveshjeje në kuadër të formatit të 8 janarit që LDK e ka konfirmuar, besoj shumë që do ta përballonte këtë situatë dhe do të krijonte mundësi që sa më shpejtë të hyjmë në implementimin e programit qeveritar, për të cilin, qytetarët kanë pritje të mëdha.

Telegrafi: Ku e shihni zgjidhjen e kësaj mosmarrëveshje?

Lutfi Haziri: Pak pragmatizëm dhe më shumë besim. /Telegrafi/

Në trend Lajme

Më shumë
Dalin pamjet e momentit të aksidentit ku humbën jetën dy vajzat e reja nga komuna e Kamenicës

Dalin pamjet e momentit të aksidentit ku humbën jetën dy vajzat e reja nga komuna e Kamenicës

Lajme
Publikon fotot e dy vajzave që humbën jetën në aksident, kryetari i Kamenicës: Dhimbja e mëngjesit të sotëm do të na përcjell gjatë

Publikon fotot e dy vajzave që humbën jetën në aksident, kryetari i Kamenicës: Dhimbja e mëngjesit të sotëm do të na përcjell gjatë

Lajme
Al Jazzera: Ish zv.ambasadorja amerikane në Kosovë merr detyrën si shefe e Ballkanit në Departamentin e Shtetit

Al Jazzera: Ish zv.ambasadorja amerikane në Kosovë merr detyrën si shefe e Ballkanit në Departamentin e Shtetit

Lajme
Policia tregon se si erdhi deri te aksidenti i rëndë në Ranillug ku humbën jetën dy vajza

Policia tregon se si erdhi deri te aksidenti i rëndë në Ranillug ku humbën jetën dy vajza

Kronika e Zezë
Ministria e Financave njofton përfituesit e Asistencës Sociale që të ndjekin hapat e domosdoshëm për të vazhduar përfitimin nga programi

Ministria e Financave njofton përfituesit e Asistencës Sociale që të ndjekin hapat e domosdoshëm për të vazhduar përfitimin nga programi

Lajme
Prokuroria autorizon policinë që të nisë hetimet ndaj Sami Kurteshit

Prokuroria autorizon policinë që të nisë hetimet ndaj Sami Kurteshit

Lajme
Kalo në kategori