Grupi i gjakut ndërlidhet me dementinë

Hulumtuesit amerikanë në një studim të ri sugjerojnë se ekziston një korrelacion në mes të humbjes së kujtesës dhe grupit të gjakut, raporton BBC.

Personat me grupin e gjakut AB, i cili është i rrallë dhe e kanë vetëm katër për qind të popullsisë, kanë më shumë gjasa të zhvillojnë dementi në pleqëri.

Studiuesit amerikanë të udhëhequr nga Shkolla e Mjekësisë Mary Cushman në Vermont analizuan të dhënat e 30.000 qytetarëve amerikanë më të vjetër se 45 vjet, transmeton koha.net.

Ato treguan se individët me grupin e gjakut AB kanë pothuajse dy herë më shumë gjasa të zhvillojnë probleme të kujtesës sesa ata me grupin e gjakut 0, grupin më të zakonshëm në popullsi, por vetëm kur eliminohen faktorët e tjerë të rrezikut.

Prandaj, thonë ekspertët, personat me grup të gjakut AB nuk duhet të bëjnë panik, sepse faktorët e tjerë e luajnë një rol shumë më të madh në humbjen e kujtesës, si pirja e duhanit, trashësia dhe shtypja e lartë e gjakut. Studimi u botua në revistën “Neurology”.

Dihej se personat me tip të gjakut AB kanë një rrezik më të lartë nga goditja në tru se personat me grupet e tjera të gjakut.

Arsyeja për këtë është se në grupin e gjakut AB ka më shumë faktor VIII, proteina që ndihmon në koagulimin e gjakut. Shumë pak faktor VIII do të shkaktojë koagulim të dobët të gjakut, ndërsa niveli i tepërt i proteinës formon më lehtë mpiksje të gjakut. /Telegrafi/