Klementin Mile
Shprehja e zakonshme e grave, kur u zhgënjehen pritshmëritë nga ndonjë burrë, është se “të gjithë meshkujt janë njësoj”. Gratë kanë të drejtë; veçse jo në kuptimin që meshkujt i katranosin gjërat (femrat i katranosin po aq shumë). Ato kanë të drejtë në një kuptim ontologjik. Për meshkujt vërtet mund të flitet në terma universalë, siç propozon fjala “të gjithë”. Te meshkujt mund të gjesh karakteristika të përbashkëta, çka mundëson përfshirjen e tyre në një klasë. Të paktën ky ishte përfundimi ku arriti psikanalisti i famshëm francez, Jacques Lacan.
Por për të qenë korrekt me gjuhën dhe besnik ndaj mendimit të Lacanit, duhet të themi se ai iu referohej jo aq meshkujve dhe femrave, se sa maskilitetit dhe feminitetit. Kjo do të thotë se për Lacanin nuk kishte rëndësi nëse ishte femër apo mashkull personi që manifestonte maskilitet ose feminitet. Femra dhe mashkulli janë thjesht lënda e parë prej së cilës mund të prodhohet maskiliteti ose përndryshe feminiteti. Në konceptimin e Lacanit, të thuash “të gjithë meshkujt janë njësoj” do të thotë të pranosh që maskiliteti është një fenomen me shtrirje universale. Kjo nënkupton që mund të flitet në terma përgjithësues për ekzistencën e Burrit.
Lidhur me feminitetin, Lacan u shpreh në mënyrë kontroversale se “Gruaja nuk ekziston”. Te gratë nuk mund të gjesh karakteristika të përbashkëta, të tilla që ato të jenë esenciale për feminitetin e tyre. Secila grua e mishëron feminitetin e vet në mënyrë unike dhe prandaj nuk kanë kuptim fjalitë që fillojnë me termat “të gjitha gratë…”. Ndryshe nga shtrirja universale e maskilitetit, feminiteti është fenomen me shtrirje singulare – feminiteti i Anës, feminiteti i Xhulias, feminiteti i Henrikut.
Ky konstitucion ontologjik i ndryshëm i maskilitetit dhe feminitetit ka rrjedhoja praktike që e strukturojnë në mënyrë radikalisht të ndryshme sferën e veprimit të burrave dhe grave. Kështu maskiliteti, duke qenë një fenomen me shtrirje universale (çka do të thotë se te të gjitha subjektet maskuline mund të gjesh karakteristika esenciale të përbashkëta), formon bazën e artikulimit politik. Jo më kot termi politik më i përdorur në të gjitha kohërat dhe vendet është “Ne”. Ky term shpreh kontratë, vullnet të përgjithshëm, interes publik, vendim të detyrueshëm kolektivisht – të gjitha këto manifestime tipike të politikës. “Ne duhet…”, “Ne kemi marrë përsipër…”, “Ne do të bëjmë…”.
Feminiteti, nga ana tjetër, formon bazën ontologjike të artikulimit etik. Feminiteti ka vetëm shtrirje singulare, ai thotë “Unë”. Është e lehtë të imagjinojmë gjykime etike për çfarëdolloj situate, thjesht duke i shtuar foljen “duhet” termit “Unë”: “Unë duhet të mbroj vendin tim”, “Unë nuk duhet të gënjej”, “Unë duhet të ndihmoj të varfrit” etj. Ndryshe nga gjykimi politik, i cili mund të jetë i vlefshëm praktikisht (pra efektiv) vetëm nëse përfshin një shumësi njerëzish (“Ne”), gjykimi etik mund të jetë efektiv edhe atëherë kur njeriu të cilit i adresohet është vetëm një (“Unë”). Singulariteti, i cili krijon feminitet, është gjithashtu i aftë ta legjitimojë etikën.
Problemi është se në shoqërinë bashkëkohore është bllokuar rruga e kalimit nga etika në politikë. Vendimet e rëndësishme për jetesën në komunitet merren politikisht, pra në bazë të karakteristikave maskuline. Zëri etik feminin ka vetëm rol dekorativ, pasi është e pamundur që vizionin singular ta përkthesh në terma universalë – ajo çka vlen për mua nuk vlen domosdo për të gjithë ne. Në këto kushte, e vetmja mënyrë se si gratë mund ta influencojnë realisht politikën, është duke sakrifikuar feminitetin, singularitetin dhe etikën. Por edhe këto sakrifica mund të jenë të kota pasi, nëse Gruaja nuk ekziston, si mund të mbrohen të drejtat e Saj?
Promo
Reklamo këtuLufta Prigozhin - Putin
Më shumëPublikohen pamjet e momentit të atentatit ndaj kryeministrit sllovak
QUINT-i dhe BE-ja reaguan për moslejimin e vizitës së tij, Musliu publikon deklaratën e partiarkut serb ku dezinformon rreth Kosovës
Njeriu që kreu atentatin ndaj Robert Ficos dyshohet se është shkrimtari i famshëm sllovak
Bislimi e cilëson të dështuar takimin për dinarin në Bruksel
Atentati ndaj kryeministrit sllovak – momenti kur ai i plagosur futet në makinë dhe i arrestimit të të dyshuarit
Kryeministri sllovak është në gjendje të rëndë shëndetësore pas atentatit ndaj tij
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Guardiolan sa nuk e lëshoi zemra kur Heung-Min Son doli përballë Ortegas në shansin e madh të huqur nga koreani
“Më besoni, Mbappe nuk do t’i bashkohet Real Madridit” – iShowSpeed tregon se ku do të shkojë francezi
Rrëfimi i gruas që pretendon se nuk ka ngrënë apo pirë asgjë për më shumë se 16 vjet
Tre kartonë të kuq ndaj ekipit kundërshtar për t'ia siguruar titullin skuadrës së tij - gjyqtari holandez përjashtohet përjetësisht nga futbolli
Sport1: A po ndodh diçka e paimagjinueshme te Bayerni?
Julian Deda - finalisti i dytë i Big Brother VIP Albania 3