Dihen edhe dy çiftet të tjera në fazën e eliminimit direkt në Katar 2022

Argjentina dhe Polonia u kualifikuan në fazën e 16 më të mirave të Kampionatit Botëror pas ndeshjeve dramatike të xhiros së tretë të Grupit C të Kupës së Botës.

Argjentina mundi Poloninë me rezultat 2-0, por të dyja skuadrat kaluan përpara pasi Meksika mundi Arabinë Saudite 2-1, duke mbetur pas me gol-dallim.

Po të kishte mbetur 2-0 për Meksikën, polakët do të kalonin sipas kriterit të “fair playit”, ndërsa po të shënonte Meksika golin e tretë do të kalonin tutje.

Kështu Argjentina dhe Polonia iu bashkuan Francës dhe Australisë, të cilat siguruar pozitat e para në ndeshjet e mëparshme të mërkurën.

Franca humbi me Tunizinë 1-0, por siguroi kalimin edhe para xhiros së fundit, ndërsa Australia tronditi Danimarkën me rezultat 1-0.

Argjentina do të luajë kundër Australisë më 3 dhjetor në orën 20:00, ndërsa Franca do të luajë kundër Polonisë një ditë më vonë në orën 16:00.

Holanda do të luajë me SHBA-në më 3 dhjetor në orën 16:00 dhe Anglia do të luajë me Senegalin më 4 dhjetor (20:00).

View this post on Instagram

A post shared by Telegrafi Sport (@telegrafisport)

Të enjten dhe të premten do të presim pjesëmarrësit e tjerë që o të futen në mesin e 16-të më të mirave./Telegrafi/