Ky është i pari studim në botë, i cili shfaq rezultatet afatgjata të dy metodave të ndërhyrjes së trajtimit të diabetit. Kirurgjia është zgjidhja e duhur.
Ideja mund t’ju duket e çuditshme, por në të vërtetë për të mbajtur nën kontroll diabetin e tipit 2, atë që lidhet me stilin e jetës dhe shpeshherë me obezitetin, zgjidhja më e mirë qëndron te kirurgjia.
Këtë e ka konfirmuar një studim i publikuar në revistën “The Lancet” nga një ekip i përbashkët i hulumtuesve nga Universiteti Katolik, i poliklinikës “Gemelli” në Romë dhe i Kolegjit Mbretëror të Londrës.
Konkluzionet u lënë shumë pak hapësirë interpretimeve: teknika rezulton më efikase sesa terapia mjekësore konvencionale në kontrollin afatgjatë të diabetit.
Çfarë është kirurgjia bariatrike?
Në rastet e obezitetit patologjik, ndërhyrja kirurgjikale, përmes kirurgjisë bariatrike (ose të obezitetit) mund të jetë një ndihmë e madhe për të kontrolluar më mirë diabetin përveçse për të jetuar më gjatë dhe për të shijuar një kualitet më të mirë të jetës. Ndër teknikat më të përdorura të kirurgjisë bariatrike është “fasha” gastrike që synon reduktimin e vëllimit të traktit digjestiv të stomakut, për të dhënë kështu ndjenjën e ngopjes, dhe bypass-in jejunoileal, përmes të cilit zvogëlohet aftësia e absorbimit nga ana e zorrëve.
Studime të ndryshme kanë evidentuar se me këtë qasje është e mundur të reduktohen më shumë se 50% mundësitë e vdekjes për çfarëdo lloj shkaku, në krahasim me ata që nuk i janë nënshtruar kësaj ndërhyrjeje.
Kurimi i diabetit
Studime klinike kanë demonstruar se rezultatet e kirurgjisë janë më superiore sesa ato të terapisë mjekësore të paktën afatshkurtra (1-2 vjet), shkruan Shqip. Studimi i ri ka ndjekur një grup prej 60 pacientësh me diabet, të moshave 30-60 vjeç dhe me indeks të masës trupore më të madhe se 35 kg.
Studimi
Përmes një sistemi të kompjeturizuar të randomizuar, pacientët iu nënshtruan trajtimit mjekësor konvencional (20 pacientë ndoqën një dietë, bënë ushtrime fizike dhe insulinë) ose kirurgjinë gastrointestinale përmes dy llojeve të ndërhyrjeve zakonisht të përdorshëm: bypass-i gastrit (20 pacientë) devijimit bilio-pankreatik (20 pacientë).
Diabetikët që iu nënshtruan kësaj ndërhyrjeje kanë nivele më të ulëta të glikemisë, ndërsa kanë pasur nevojë për një numër më të vogël ilaçesh antidiabetikë dhe kardiovaskularë për gjatë gjithë kohës që zgjati studimi. /Telegrafi/
Promo
Reklamo këtuLufta Prigozhin - Putin
Më shumëInvestoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Santiana Maloku dhe Lirimi i japin fund lidhjes së tyre?
Persona të maskuar shihen në pjesën serbe të pikëkalimit kufitar në Bërnjak
Mbyllet edhe pika kufitare në Merdar, Sveçla: Ekstremistët e maskuar brenda Serbisë po kryejnë veprime fashiste
Trajneri i Rumanisë tregohet një profesionist i vërtetë kur flet për lojën e Kosovës
Sveçla: Mbyllet vendkalimi kufitar në Bërnjak, serbët maltretuan një familje shqiptare që po udhëtonte për në Gjermani
Gërvalla kërkon reagim nga bashkësia ndërkombëtare: Ndaleni Vuçiqin përpara se ai të shkaktojë luftë