De Zerbi jep një përgjigje të sinqertë për zërat që e lidhin me Barcelonën

Barcelona ka mbajtur emrin e Roberto De Zerbit në listën e tyre të ngushtë për të zëvendësuar potencialisht Xavi Hernandez në rolin e trajnerit.

Gjigantët katalunas aktualisht po punojnë me një sërë opsionesh se kush mund të hyjë në skuadër për të marrë drejtimin sezonin e ardhshëm.

Krahas lidhjeve me menaxherët nga i gjithë kontinenti, trajneri i Brighton, italiani De Zerbi vlerësohet shumë nga hierarkia e Barcelonës.

Lexo po ashtu Pep Guardiola duket se e ka këshilluar Joan Laportan se kush duhet të zëvendësojë Xavin te Barcelona

Ish-trajneri i Blaugranave, Pep Guardiola thuhet se ka dhënë mbështetjen e tij që De Zerbi të jetë kandidati i duhur për të marrë drejtimin.

Barcelona ka dërguar skautë për të parë nga afër ekipin e De Zerbit që nga fillimi i vitit 2024, por asnjë lëvizje nuk është bërë.

De Zerbi u pyet për thashethemet, përpara udhëtimit të Brighton te Fulhami në Ligën Premier dhe ai pranoi se planet e tij të ardhshme mund të ndryshojnë.

Lexo po ashtu Lista për trajnerin e ri të Barcelonës, ​​kush do ta zërë vendin e Xavit?

“Në këtë moment kam vetëm Brighton në mendjen time. Dua ta përfundoj sezonin në mënyrën më të mirë me lojtarët tanë të rinj”, ka thënë fillimisht De Zerbi për BBC Sport.

“Sezonin e ardhshëm? Është e vërtetë që kam një kontratë, por nuk kam vendosur asgjë, vëmendja ime është 100% te Brighton”, përfundoi italiani.

Brighton gjendet në vendin e shtatë në Ligën Premier momentalisht, por De Zerbi dëshiron të paktën një përfundim në gjashtë vendet e para, së bashku me një shtytje të fortë në fazat eliminatore të Ligës së Evropës këtë sezon. /Telegrafi/