City pritet ta mposhtë Realin në garën për Mbappen, Guardiola është çelësi i transferimit

Manchester City është i etur të tregojë forcën e tyre financiare në betejën për sulmuesin francez të Paris Saint-Germain, Kylian Mbappe .

Real Madrid vlerësohet si favorit kryesor për transferimin e francezit Mbappe, i cili pritet të largohet nga PSG këtë verë.

Sulmuesi tashmë i rezistoi përpjekjeve të PSG-së për të hapur bisedime për një kontratë të re dhe largimi duket i pashmangshëm nga Parc des Princes.

Lexo po ashtu The Guardian ka shpallur listën e 100 futbollistëve më të mirë të vitit 2019 - Messi i pari, shumë befasi në renditje

Presidenti i Real Madridit, Florentino Perez, është i gatshëm të paguajë një shifër rekord botëror prej 300 milionë euro apo më shumë për transferimin e Mbappe.

Sidoqoftë, mediumi i njohur El Confidencial raporton se Perez dhe Reali do të përballen me konkurrencën e forta nga Barcelona dhe City.

Interesimi i Cityt thuhet se e ka kthyer kokën e Mbappes, i cili mezi do të priste të punonte me menaxherin Pep Guardiola.

Lexo po ashtu Guardiola i etur ta fitojë garën ndaj Realit për Mbappen, City ka gati milionat

Sulmuesi i talentuar francez mendon se loja e tij do të kalonte edhe një nivel më lartë duke punuar me trajnerin katalunas.

Marrëveshja e tanishme e Mbappes me PSG-në është valide deri në vitin 2022. /Telegrafi/