Sipas të dhënave për vitin 2018, eksportet e shërbimeve të Bashkimit Evropian në pjesën tjetër të botës u rritën me 0.7 për qind midis vitit 2017 dhe 2018 nga 912.4 miliardë në 918.5 miliardë euro, ndërsa importet u rritën me 1.1 për qind apo nga 720.7 miliardë në 728.48 euro miliardë.
Si pasojë, suficiti tregtar i BE-së në shërbime arriti 190.1 miliardë euro në vitin 2018 apo 0.8 për qind më pak se vlera për vitin 2017.
Eksportet e BE-së dominoheshin nga shërbimet e tjera të biznesit, që përbënin një të katërtën e eksporteve totale jashtë BE-së, pasuar nga transporti me 18 për qind dhe shërbimet e udhëtimit me 15 për qind.
Shërbimet e tjera të biznesit ishin gjithashtu kategoria më e madhe e shërbimeve të importuara nga BE-ja me 29 për qind të importeve përpara shërbimeve të transportit me 18 për qind, udhëtimit me 15 për qind dhe pagesave për përdorimin e pronës intelektuale me 15 për qind.
“Suficiti i BE-së në vitin 2018 ishte kryesisht për shkak të tepricave në shërbimet e telekomunikacionit dhe informacionit me 82 miliardë euro, transportit me 31.9 miliardë euro, udhëtimeve me 30.7 miliardë euro dhe shërbimeve financiare me 32.1 miliardë euro. Një deficit prej 41.1 miliardë eurosh është regjistruar nga përdorimi i pronësisë intelektuale”, thotë Eurostat, përcjell Telegrafi.
Zyra evropiane e Statistikave thotë se në vitin 2018, partnerët kryesorë për eksportet e shërbimeve të BE-së mbetën Shtetet e Bashkuara me 27 për qind të eksporteve dhe Zvicra me 13 për qind, përpara Kinës me 6 për qind dhe Japonisë me 4 për qind. Partneri kryesor për importin e shërbimeve të BE-së vazhdojnë të jenë Shtetet e Bashkuara të Amerikës me 31 për qind të importeve, pasuar nga Zvicra me 8 për qind dhe Kina me 4 për qind.
Në vitin 2018, BE-ja regjistroi tepricat për tregtinë e shërbimeve me të gjithë partnerët kryesorë, me përjashtim të Indisë me 2.6 miliardë euro. Deri më tani suficiti më i madh ishte me Zvicrën me 57.9 miliardë euro, përpara Shteteve të Bashkuara të Amerikës me 23.1 miliardë euro, Kinës me 21.2 miliardë euro, Japonisë me 14.9 miliardë euro dhe Rusisë me 14.1 miliardë euro. /Telegrafi/
Lufta Prigozhin - Putin
Më shumëPasuria e guvernatorit të BQK-së, drejtorit ATK-së dhe drejtorit të Doganës
GoBau – Kositëse bari
EBC Cosmetics vjen me zbritjen më të madhe vjetore
Modë apo relaks?
StaffiX ofron trajnim për Bazat e Menaxhimit të Burimeve Njerëzore
Evapify - Pasagjeri yt i përhershëm
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre