Robbie Collin, kritik filmi
Përkthimi (i pjesshëm): Telegrafi.com
Disa filma janë aq budallenj sa mund të betohesh se qelizat individuale të trurit vdesin derisa ti i shikon. Pastaj është filmi “Aquaman and the Lost Kingdom” gjatë së cilit m’u duk sikur grumbujt e tërë materies nervore po hiqnin dorë nga shfaqja dhe se po dilnin prej veshëve e mi. Me vetëm pak ditë të mbetura deri në fund të kalendarit të vitit 2023, mbërriti edhe filmi më i çuditshëm i vitit 2023.
As “Aquaman”-i i mëparshëm nuk ishte aq i mirë, por disi – sikur kur të bie dielli në kokë – mirë kaloi. Nga 1.1 miliardë dollarët që ka fituar në botë në vitin 2018, pothuajse një e treta erdhi nga Kina, ndërsa ishte filmi i preferuar i Rumanisë për gjithë vitet 2010. Me sa duket, në një si përpjekje për ta arritur këtë sukses, vazhdimi në thelb është ekuivalenti grafikës kompjuterike që për dy orë të përplaset për fytyre.
Ngjarja gjoja ka të bëjë me një substancë magjike të quajtur orikalkum që, pos nëse je klasicist, është fjala që do ta dëgjoni 500 herë në hapësirën e 120 minutave dhe më pas kurrë në pjesën tjetër të jetës. Por, gjithçka që përfshin në të vërtetë Akuamani Jason Momoa, është vërtitja nëpër një varg skenash të betejave të ngatërruara të krijuara nga kompjuteri, të paraqitura në disa nga kombinimet më të shëmtuara të ngjyrave që lejohen në spektrin e dukshëm të dritës. Në të njëjtën mënyrë siç disa filma ju lënë me mospëlqimin e vazhdueshëm ndaj ndonjë aktori ose regjisori të caktuar, “Aquaman and the Lost Kingdom” ju largon nga kinemaja me urrejtjen e thellë ndaj ngjyrës së gjelbër.
Filmi kurrë nuk përpiqet të bëjë asgjë tjetër përveçse të duket mirë, ndërsa është jashtëzakonisht i shëmtuar. Fytyra e aktorit duket se është shartuar në një dyshe trupore dixhitale. Nicole Kidman, e rikthyer si nëna e Akuamanit, gjithashtu shfaqet e pashpirt në shumicën e skenave të saj, ndërsa Amber Heardit ofron shumë pak si mbretëresha Mera.
Më e çuditshmja nga të gjitha, askush nuk ia doli t’i bëjë të funksionojnë vizualisht skenat nënujore, kur ato përbëjnë 95 për qind të filmit. Çdo skenë është e mbushur me flluska ajri dhe peshq që lundrojnë përreth, ndërsa i gjithë dialogu ka efekte të mbivendosura zanore.
Për dhjetë minuta është qesharake. Për njëzet është i mërzitshëm. Për dy orë të mërzitet edhe kinemaja.
“Mbaji sytë hapur”, thotë Momoa gjatë përballjes kulmore, ndaj së cilës armiku përbindësh ia kthen me shaka: “Kjo është e lehtë, sytë e mi nuk mbyllen”! Audienca, megjithatë, shpeshherë e kupton se sytë po mbyllen. /Telegrafi/
Promo
Reklamo këtuLufta Prigozhin - Putin
Më shumë
104.5m² komfort – Banesë luksoze me pamje tërheqëse për zyret e juaja

Investoni në të ardhmen tuaj – bli banesë në ‘Arbëri’ tani! ID-140

Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254

Ideale për zyre – në qendër të Prishtinës lëshohet banesa me qira ID-253

Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123

Për vetëm 29.95€ me Telegrafi Deals dhe Melodia PX, këto patika bëhen tuajat!

Marrëveshje: Melodia Px dhe Telegrafi Deals janë dakordu që atletet Nike për femra ti ofrojnë për vetëm 69.95€, deri më 09 mars!

A do të shihemi në Balkan eCommerce Summit 2025?

Ekskluzivisht në Telegrafi Deals – Nike REAX nga 101€ në 79.95€!

Çfarë do të thotë DeepSeek AI për marrëdhëniet e SHBA me Kinën?
Më të lexuarat

Ndodhet akoma në Big Brother - publikohet data e koncertit të parë të Gjestit

Zbulohen prapaskena befasuese: Me vetëm një telefonatë, Perez ndikoi që dy lojtarë të Barcelonës ta kalojnë regjistrimin

Ishte apo jo prekje e dyfishtë nga Alvarez? TNT Sports publikon pamje të reja për t'u dhënë fund debateve

Diego Simeone i la të gjithë pa fjalë për pyetjen që bëri në konferencë për media

Ulet pranë Gjestit, Xheneta: Dikush m’i ka puthur këta gishta të këmbës

Republika Serbe miraton një draft të kushtetutës së re - shtet brenda shtetit të Bosnje dhe Hercegovinës