Antonio Conte konfirmon se Kvaratskhelia ka kërkuar të largohet nga Napoli

Trajneri i Napolit, Antonio Conte ka konfirmuar se ylli i tyre, Khvicha Kvaratskhelia ka kërkuar të shitet, pas raportimeve se ai do të largohet këtë afat kalimtar.

Përfaqësuesit e Kvaratskhelia mendohet se janë në negociata me PSG-në për një lëvizje që në janar. Të dy klubet kanë diskutuar për një tarifë prej 70 milionë eurosh, sipas raportimeve të së shtunës në mëngjes.

PSG thuhet se ka ofruar të përfshijë Milan Skriniar ose Marco Asensio në një marrëveshje lojtarë plus para, por Napoli është i interesuar vetëm për vetë tarifën e transferimit.

Lexo po ashtu Kvaratskhelia do të anashkalojë ndeshjen e ardhshme të Napolit pasi PSG ofron dy lojtarë dhe para për të

E ardhmja e Kvaratskhelia ishte tema e parë në rendin e ditës në konferencën për shtyp të Contes para ndeshjes përpara ndeshjes të së dielës kundër Hellas Verona dhe trajneri konfirmoi kërkesën e lojtarit për t’u larguar.

“Ai kërkoi nga klubi të shitet, pa i prishur fjalët. Kjo është ajo që më është thënë, lojtari më ka konfirmuar vendimin e tij”, ka thënë fillimisht Conte në konferencë.

“Personalisht ndihem shumë i zhgënjyer, sepse kalova gjashtë muaj duke u përpjekur ta bëj Kvaran të ndihej në qendër të projektit, duke punuar me të, duke i treguar atij se mund të bënim diçka të madhe dhe gjithashtu duke punuar me klubin për gjashtë muaj për rinovimin”.

Kvara-Napoli 💔
Conte conferma: ha chiesto la cessione 🔚#Kvaratskhelia #Napoli #DAZN pic.twitter.com/qojsZzluml

— DAZN Italia (@DAZN_IT) January 11, 2025

“Nga këndvështrimi im, është një zhgënjim i madh. Sot më duhet të bëj një hap prapa. Nuk mund t’i mbaj të lidhur me zinxhirë ata që duan të ikin. Unë e bëra këtë në verë dhe kisha gjashtë muaj për t’i bindur të gjitha palët që të gjenin një zgjidhje”.

“E kuptoj që lajmet kanë dalë të paqarta, por tani po bëj një hap prapa dhe është e drejtë që klubi dhe rrethi i Kvaras të zgjidhin situatën”.

“Kështu, ai nuk është i disponueshëm për Verona. Do të shohim se çfarë do të ndodhë. Do të humbasim një lojtar të rëndësishëm, por ndërkohë le të fokusohemi te Verona”, përfundoi trajneri i Napolit. /Telegrafi/