Ancelotti thotë se nuk ka marrëdhënie të mira me Gattuson para përballjes me tyre

Trajneri i Real Madridit, Carlo Ancelotti ka udhëtuar me skuadrën e tij drejt Riadit të Arabisë Saudite, ku do të luajë të mërkurën ndeshjen e Superkupës së Spanjës kundër Valencias.

Në krahun tjetër do të jetë Gennaro Gattuso, një ish-futbollist italian i cili është stërvitur nga Ancelotti në Milan për shumë vite.

Në konferencën për shtyp, Ancelotti zbuloi se nuk është në marrëdhëniet më të mira me Gattuson.

“Ne të dy kemi pasur momente shumë të mira, por kam pasur edhe disa probleme personale me të për të cilat nuk dua të flas”.

“Shumë trajnerë u larguan nga Milani, secili prej tyre kishte një stil dhe njohuri unike – Gattuso, Iniesta, Inzaghi. ..”, ka thënë Ancelotti.

Në ndeshjen e fundit Real Madridi humbi ndaj Villarrealit në kampionat. Kjo ishte humbja e tyre e dytë këtë sezon në La Liga.

Kundër Valencias në Arabinë Saudite, Klubi Mbretëror do të kërkojë një mundësi për të përmirësuar përshtypjen dhe për të fituar trofeun e parë këtë vit.

Superkupa luhet nga katër skuadra, ku edhe Real Betis dhe Barcelona janë në garë në anën tjetër, ndërsa fituesit e ndeshjeve të para do të takohen në finale më 15 janar./Telegrafi/