Ahmeti: LDK dhe Vetëvendosje, nuk kanë asgjë të përbashkët në aspektin programor

Kryetari i PSD-së, Shpend Ahmeti, ka zbuluar detaje të reja nga ndarja e Vetëvendosjes.

Ahmeti, në “Debat Plus” me Ermal Pandurin në RTV Dukagjini, ka thënë se po të mos ishte ndarë Vetëvendosje, sot do të kishin 45 deputetë.

“Këta i thënë “Albin po na duket se gjithçka është veç për ty. Krejt kjo organizatë po frymon vetëm për ty. Ne nuk e kemi bërë për këtë punë. E kemi bërë për ndryshime frymën, idetë dhe politikat”.

Kryetari i PSD-së ka deklaruar se në Vetëvendosje kanë qeshur me AAK-në, përcjell Telegrafi.

“Thoshin [në Vetëvendosje] “politika e vetme në AAK është të bëhet Ramush Haradinaj kryeministër. Ata s’kanë asgjë tjetër”. Sot është bërë Vetëvendosje në funksion të një njeriu”.

Ahmeti thotë se Kurtit i është premtuar se ai do të jetë kandidatë për kryeministër por i është kërkuar ta dëshmojë se Vetëvendosje nuk është vetëm në shërbim të tij.

“Albini nuk pranoi këtë kusht dhe sot jemi ku jemi”.

Lexo po ashtu Ahmeti tregon emrat që do të jenë në listën AAK-PSD

I pari i Prishtinës ka thënë pasi LDK-ja ka nominuar Vjosën për kryeministre është shumë e pamundur një koalicion parazgjedhor me Vetëvendosjen pasi sipas tij është ngjallur një entuziazëm në partinë e Isa Mustafës.

Ai ka thënë se LDK dhe Vetëvendosje asgjë nuk kanë të përbashkët në aspektin programor./Telegrafi/