Duhej të shkonte te Man City për 95 milionë euro, tani në moshën 28-vjeçare mund të përjashtohet nga futbolli?

Mesfushori brazilian, Lucas Paqueta, i cili aktualisht luan për West Ham United, po përballet me betejën më të rëndësishme të karrierës së tij. Kjo është një seancë disiplinore që do të vendosë për fatin e tij futbollistik.

Akuzat kundër tij përfshijnë marrjen e qëllimshme të katër kartonëve të verdhë për të fituar para nga bastet për familjen dhe miqtë e tij.

Hetuesit zbuluan rreth 60 baste për kartonët e tij të verdhë në ndeshjet e viteve 2022 dhe 2023, me bast vënie që varionin nga 7 deri në 400 funte. Disa nga këto baste janë të lidhura me familjen e tij.

Ai mund të përjashtohet nga futbolli

Paqueta mohon me forcë të gjitha akuzat, duke pretenduar se ndëshkimet janë rezultat i stilit të tij agresiv të lojës.

Sipas The Guardian, ekipi i tij ligjor thekson se opsioni i kartonit të verdhë është i popullarizuar nga bastvënësit dhe se Paqueta ka një reputacion si një lojtar agresiv që shpesh thyen rregullat.

🚨🇧🇷 Lucas Paqueta had an £80m transfer to Manchester City agreed…

This was before the FA emailed West Ham in August 2023 to inform them an investigation had been opened into suspicious betting patterns surrounding Paqueta.

West Ham passed this information to Man City, who… pic.twitter.com/2pp3b6wDdQ

— EuroFoot (@eurofootcom) March 18, 2025

Edhe pse Paqueta është duke luajtur aktivisht për West Ham gjatë këtij procesi, ai tashmë ka pësuar pasoja të konsiderueshme.

Verën e kaluar, transferimi i tij prej 95 milionë euro te Manchester City dështoi për shkak të një hetimi të nisur nga Federata Angleze e Futbollit (FA).

Paqueta u tërhoq nga kombëtarja braziliane për t’u fokusuar në mbrojtjen në fushë. Ai ka bashkëpunuar plotësisht me hetimin, duke dorëzuar bisedat telefonike, deklaratat bankare dhe celularin e tij. Nëse akuzat konfirmohen, Paqueta përballet me një ndalim të përjetshëm për të luajtur futboll. /Telegrafi/