Mes frikës dhe pasigurisë, Bove thotë se do të largohet nga Italia për ta vazhduar ëndrrën për futboll

Mesfushori italian Edoardo Bove ka folur në një podcast në YouTube dhe ka prekur rikthimin e tij të mundshëm në fushë pas frikës shëndetësore gjatë ndeshjes mes Fiorentinës dhe Interit. 

Ai mbeti i shtrirë në fushë dhe pas disa ditësh në spital u lirua, por nuk ka të drejtë të luajë në Itali, pasi i është vënë një defibrilator në zemër.

“Natyrisht, sipas ligjit italian, nuk lejohet të luash me defibrilator, kështu që nëse mbaj defibrilatorin, nuk do të mund të luaj në ligën tonë”. 

“Jashtë vendit, nëse firmosni, e merrni vetë përgjegjësinë. Kam disa kontrolle të rëndësishme mjekësore që do të më tregojnë nëse ka mundësi ta heq dhe çfarë monitorimi do të më duhet. Nuk përjashtoj asgjë”.  

“Në fund të fundit, shëndeti im mendor është ajo që ka më shumë rëndësi – sepse nëse nuk ndihem i sigurt pa defibrilatorin, gjithçka është e kotë”. 

Lexo po ashtu Pse Boves i duhej leje speciale për t'u ulur në stolin e Fiorentinës

“Do të përpiqem të luaj përsëri; ia kam borxh familjes sime dhe sakrificave që kam bërë, por edhe për shkak të moshës. Natyrisht, kam nevojë për dritën jeshile nga mjekët”, deklaroi Edoardo Bove. /Telegrafi/