Titullarë apo rezervistë – Ancelotti dhe skuadra nuk bien dakord me Perezin dhe bordin

Carlo Ancelotti është i kënaqur me Luka Modric dhe beson se ai ka ende shumë për të ofruar. Menaxheri i Real Madridit dëshiron t’i japë atij një rol më të madh në ekip pavarësisht shqetësimeve nga hierarkia e klubit.

Sipas Relevo, Ancelotti, stafi i tij dhe të gjithë lojtarët gjithmonë duan që Modric të startojë, por është Florentino Perez dhe disa anëtarë të bordit që nuk e duan Modric në ndeshjet e mëdha.

Ata i admirojnë cilësitë e tij, por mendojnë se ai nuk duhet të jetë më një titullar i rregullt në ndeshjet vendimtare të sezonit.

Modric hace dudar a Ancelotti… y no sólo por la bronca a Vinicius.

◾️ El técnico, encantado con el croata, cree que está para mucho más, y le quiere dar el peso que se está ganando y fue perdiendo. @Sergiogom 🤝 @AlfredoMatillaG https://t.co/tiNlZ4Sge5

— Relevo (@relevo) February 8, 2025

Sipas raportit, Luka Modric është një lojtar shembullor për Ancelottin. Ai është lideri i ekipit, i vetmi që mund t’i vendosë lojtarët në vendin e tyre, me zërin dhe lidershipin e tij.

Me ndeshje të rëndësishme që vijnë, ka mundësi që ai të rikthehet në formacionin titullar, ndonëse pritet të jetë në bankinë për derbin kundër Atletico Madridit.

Lexo po ashtu Modric ‘sulmoi’ Vinicius Jr në sy të të gjithëve: Braziliani i tërbuar u vërsul në dhomat e zhveshjes, Ancelotti sqaron situatën

Mesfushori është i vendosur të tregojë veten. “Ai dëshiron ta bëjë Ancelottin të dyshojë në vendimet e tij”, shtojnë raportet.

Paraqitjet e tij të fundit e kanë forcuar rastin e tij dhe ai mund të paraqitet më shpesh në ndeshjet kryesore. /Telegrafi/