Real Madridi dëshiron të nënshkruajë me shokun e Bellingham te Anglia, pasi u impresionua nga paraqitjet në Euro 2024

Klubi spanjoll, Real Madridi po kërkon të luftojë për nënshkrimin e qendërmbrojtësit Marc Guehi, mes interesimit nga disa klube të Ligës Premier.

Pavarësisht kalimit në çerekfinale me një fitore në kohën shtesë ndaj Sllovakisë të dielën, Anglia nuk ka arritur të bëjë përshtypje gjatë Kampionatit Evropian “Gjermani 2024”.

Shumica e problemeve të Anglisë kanë dalë në sulm, me vetëm Jude Bellingham dhe Harry Kane që shënuan për Tre Luanët në katër ndeshjet e luajtura.

Sidoqoftë, në mbrojtje, Anglia ka qenë më mbresëlënëse, duke mbajtur dy porta të paprekura dhe duke pranuar vetëm dy gola deri më tani.

Dhe në qendër të këtij suksesi, ka qenë mbrojtësi i Crystal Palace, Marc Guehi, i cili thuhet se ka tërhequr interes nga Real Madridi dhe Arsenali.

Guehi ka luajtur çdo minutë të Euro 2024 deri më tani për skuadrën e Gareth Southgate dhe ka qenë ndoshta lojtari më i mirë i Anglisë në Kampionatin Evropian.

Paraqitjet e tij kanë tërhequr interesin e elitës së Evropës, me kampionët e Real Madridit që thuhet se prijnë garën për të larguar 23-vjeçarin nga Crystal Palace dhe për ta ribashkuar atë me bashkëlojtarin e tij te Anglia, Bellingham.

England star Marc Guehi a shock transfer target for Real Madrid and Barcelona https://t.co/OqBr5cfbPZ pic.twitter.com/ycs9uhAKoZ

— The Sun Football ⚽ (@TheSunFootball) July 3, 2024

Sipas mediumit The Sun, rivalët e Barcelonës, Juventusi, Arsenali dhe Tottenham Hotspur po konsiderojnë gjithashtu një lëvizje për qendërmbrojtësin anglez.

Por, arritja e një marrëveshjeje mund të jetë ende e vështirë, pasi kontrata aktuale e Guehit me ‘Eagles’ është caktuar të skadojë në fund të sezonit 2025/26 pasi iu bashkua klubit nga Chelsea për 18 milionë funte në vitin 2021.

Ai ka qenë një lojtar jetik për Crystal Palace, duke bërë 111 paraqitje për klubin në të gjitha garat.

Në sezonin 2023/24, ai bëri 29 paraqitje, me anglezin që udhëhoqi ekipin si kapiten në shumë prej këtyre ndeshjeve, pasi kapiteni i parë, Joel Ëard, përfundonte shpesh në bankinë.

Guehi bëri debutimin e tij për të Kombëtare e Anglisë në mars të 2022 dhe ka bërë 15 paraqitje për vendin e tij, duke përfshirë të katër ndeshjet e Euro 2024.

Ai do të mungojë në ndeshjen e ardhshme çerekfinale të Anglisë me Zvicrën, pasi përballet me një ndeshje pezullim pas dy kartonëve të verdhë. /Telegrafi/