Scholz tregon se pse Gjermania nuk do t’i vendos sanksione të reja Rusisë sikurse SHBA-ja dhe Britania

Olaf Scholz ka treguar se pse Gjermania nuk miratoi një paketë të re sanksionesh kundër Rusisë.

Kancelari gjerman deklaroi se nuk po bllokon paketën e re të sanksioneve të BE-së kundër Rusisë, por po përpiqet t’i bëjë ato sa më efektive.

“Ne duam të sigurojmë që kjo të bëhet sa më pragmatike të jetë e mundur. Kjo është ajo që ne po bëjmë gjithashtu në konsultim me ekonominë gjermane”, tha ai.

Sipas tij, BE-ja duhet të marrë vendime për të parandaluar eksportin e mallrave të sanksionuara nga vendet e tjera në Rusi, “por kjo duhet të bëhet në një mënyrë që është e realizueshme, që funksionon”.

Scholz explains why Germany did not approve a new package of sanctions against Russia

The Chancellor said that Germany is not blocking the new package of EU sanctions against Russia, but is trying to make them as effective as possible.

“We want to ensure that this is done as… pic.twitter.com/VoheJIyb39

— NEXTA (@nexta_tv) June 15, 2024

Gjithashtu i pari i qeverisë gjermane ka hedhur poshtë propozimin e paqes të diktatorit rus, Vladimir Putin.

Udhëheqësit e G7 nuk kanë diskutuar propozimet e Putinit për një zgjidhje paqësore të konfliktit sepse “të gjithë e dinë se ato nuk janë serioze”, tha ai.

Më herët, diktatori rus kërkoi që Ukraina të tërhiqte trupat nga katër rajone dhe të anulonte aplikimin për anëtarësim në NATO.

Ndryshe, SHBA-ja dhe Britania e Madhe kanë vendosur sanksione të reja ndaj shtetit rus, e cila ka filuar pushtuar Ukrainën që nga shkurti i vitit 2022. /Telegrafi/