Milani dërgon skaut për të parë nga afër Brojën në ndeshjen ndaj Italisë

Një skaut i Milanit thuhet se do të shikojë sulmuesin shqiptar, Armando Broja, gjatë ndeshjes së sotme të Shqipërisë kundër Italisë në kuadër të Euro 2024.

Sulmuesi i Chelsea, Broja është shfaqur si një objektiv transferimi për gjigantët e Serie A, dhe sipas Sky Sport Italia, një skaut i kuqezinjve do ta shikojë 22-vjeçarin këtë mbrëmje gjatë debutimit të Shqipërisë në Euro 2024 kundër Italisë në Signal Iduna Park në Dortmund.

Broja pritet të startojë me sistemin 4-3-3 të Shqipërisë kundër Azzurrëve, duke bashkuar luajtur së bashku me fytyra të njohura me tifozët e Serie A, përfshirë Kristjan Asllanin e Interit dhe Berat Gjimshitit e Atalantës.

Lexo po ashtu Shqipëri – Itali, formacionet e mundshme: Sylvinho dhe Spalletti pa befasi

22-vjeçari shqiptar e kaloi sezonin e kaluar në huazim te Fulham, por shënoi vetëm dy gola në 27 paraqitje në të gjitha garat.

Ai ka kontratë me Chelsean deri në qershor të vitit 2028.

View this post on Instagram

A post shared by Sky Sport (Italia) (@skysport)

Sulmuesi i Bolognës, Joshua Zirkzee mbetet prioriteti i Milanit për sulmin dhe sipas Sky Sport Italia, kuqezinjtë mund të nënshkruajnë si sulmuesin holandez ashtu edhe Brojën.

Milani është i hapur për të paguar klauzolën prej 40 milionë eurosh të Zirkzee, por janë në bisedime me agjentin e tij Kia Joorabchian pasi nuk janë të gatshëm të paguajnë komision prej 15 milionë eurosh për të siguruar nënshkrimin e tij. /Telegrafi/