Tre top yjet që Mourinho i do te Fenerbahce

Jose Mourinho tashmë po punon për ndërtimin e Fenerbahçes së ardhshme dhe ka kërkuar transferimin e tre lojtarëve.

Raphael Varane, Memphis Depay dhe Arda Guler, thuhet se janë në listën e portugezit për afatin kalimtar të verës. Me ambicien për të transformuar ekipin nga Stambolli në një nga klubet më të mëdha në Evropë, Special One ka në mendje një projekt solid dhe konkurrues.

Kalimi i tij në Turqi ka sjellë një shpenzim të konsiderueshëm, me një pagë prej më shumë se 40 milionë euro për dy vjet, përveç kostos së ekipit të tij teknik, që e çon operacionin në 50 milionë euro.

Fenerbahce i ka dhënë Mourinhos disa liri në tregun e transferimeve, me një buxhet fillestar prej 60 milionë eurosh, i cili mund të rritet në varësi të shitjeve të klubit. Në total, projekti ‘Special One’ mund t’i kushtojë Fenerbahçes rreth 110 milionë euro.

Objektivi kryesor i Mourinhos në fazën e tij të re është të fitojë ligën turke, një titull që Fenerbahçe nuk e ka fituar që nga sezoni 2013-2014.

Për ta arritur këtë, trajneri planifikon një rinovim të thellë të skuadrës, duke filluar me forcimin e mbrojtjes. Raphael Varane, ish-qendërmbrojtësi i Real Madridit dhe Manchester United, paraqitet si një opsion ideal.

Në sulm, portugezi ka parasysh Memphis Depayn, i cili sapo është larguar nga Atletico de Madrid. Holandezi, i cili do të mbërrinte me kosto zero, shihet si një shtesë e vlefshme për të forcuar frontin sulmues të skuadrës.

Arda Guler, një talent i ri turk aktualisht në Real Madrid, është një tjetër lojtar në radarin e Mourinhos. Edhe pse rikthimi i tij duket i komplikuar, trajneri portugez e ka bërë të qartë interesimin e tij për ta pasur në ekip.

Konferenca e parë për shtyp e Mourinhos në Stamboll tashmë la të kuptohet qëllimin e tij për të rikthyer Gulerin nëse lejojnë kushtet. /Telegrafi/